ఇంగ్లాండ్తో నాలుగో టెస్టుకు బుమ్రాకు విశ్రాంతినిచ్చినట్లు ఇటీవల టీమ్ఇండియా వెల్లడించింది. ఇప్పుడు అతడి స్థానంలో ఉమేశ్ యాదవ్కు చోటు లభించే అవకాశం కనిపిస్తోంది. మ్యాచ్ జరిగే మొతేరా పిచ్ స్పిన్నర్లకు అనుకూలమైనప్పటికీ, అనువజ్ఞుడైన పేసర్ కూడా జట్టులో ఉండాలని మేనేజ్మెంట్ భావిస్తోంది.
డిసెంబరు-జనవరిలో జరిగిన ఆస్ట్రేలియా పర్యటనలోని రెండు టెస్టులో గాయపడ్డ ఉమేశ్.. ఇటీవల తిరిగి కోలుకున్నాడు. దీంతో ఇంగ్లాండ్తో చివరి టెస్టు కోసం అతడిని తుది జట్టులోకి తీసుకోవడం దాదాపు ఖాయమే!
ఉమేశ్, నెట్స్లో బాగా బౌలింగ్ చేస్తున్నాడని తాజాగా జరిగిన ఇంటర్వ్యూలో వైస్ కెప్టెన్ రహానె చెప్పాడు.. అతడు తిరిగి జట్టులోకి రావడం ఆనందంగా ఉందని అన్నాడు. ఇప్పటివరకు భారత్ తరఫున 28 టెస్టులాడిన ఉమేశ్.. 148 వికెట్లు తీశాడు. అందులో 96 సొంతగడ్డపై తీసినవే కావడం విశేషం.
ఇది చదవండి: గురువారం నుంచే చివరి టెస్టు.. దృష్టంతా పిచ్ పైనే!
