ఇంగ్లాండ్ స్పిన్నర్ అదిల్ రషీద్ ప్రపంచ అత్యుత్తమ ఆటగాళ్లతో వరల్డ్ ఎలెవన్ను ప్రకటించాడు. ఇందులో టీమ్ఇండియా నుంచి రోహిత్ శర్మ, విరాట్ కోహ్లీలకు చోటు లభించింది. ఈ సందర్భంగా మాట్లాడుతూ కోహ్లీ, బాబర్ అజామ్ల నుంచి ఎవరో ఒకరిని తీసుకోవడం చాలా కష్టమని అభిప్రాయపడ్డాడు.
"కోహ్లీ, బాబర్లలో ఒకరిని ఎంచుకోవడం చాలా కష్టం. ప్రస్తుతమున్న ఫామ్ ప్రకారం బాబర్కే చోటివ్వాలి. కానీ కోహ్లీ, అజామ్ ఇద్దరూ అత్యుత్తమ ఆటగాళ్లు. అందుకే ఇద్దరినీ ఎంపిక చేశా."
-రషీద్, ఇంగ్లాండ్ క్రికెటర్
కరోనా ప్రభావం మొదలవ్వక ముందు పరిస్థితులు చూసుకుంటే కోహ్లీ ఫామ్ ఏమాత్రం బాగా లేదు. న్యూజిలాండ్తో జరిగిన సిరీస్లో మొత్తం 11 ఇన్నింగ్స్ల్లో కేవలం 218 పరుగులు మాత్రమే చేశాడు. ఇందులో రెండు టెస్టుల్లో కలిపి కేవలం 38 పరుగులు సాధించాడు. పాకిస్థాన్ యువ క్రికెటర్ బాబర్ అజామ్ పాకిస్థాన్ సూపర్ లీగ్లో 49.29 సగటుతో 345 పరుగులు చేశాడు.
రషీద్ ప్రపంచ ఎలెవన్
రోహిత్ శర్మ, డేవిడ్ వార్నర్, విరాట్ కోహ్లీ, బాబర్ అజామ్, ఇయాన్ మోర్గాన్ (కెప్టెన్), జాస్ బట్లర్ (కీపర్), బెన్ స్టోక్స్, మిచెల్ స్టార్క్, ఇమ్రాన్ తాహిర్, ట్రెంట్ బోల్ట్, కగిసో రబాడ
