ఇంగ్లాండ్ సారథి జో రూట్ ఆట తీరు నుంచి ప్రతి ఆటగాడు చాలా నేర్చుకోవచ్చని అభిప్రాయపడ్డాడు శ్రీలంక మాజీ సారథి సంగక్కర.
ప్రస్తుతం లంక జట్టుతో ఇంగ్లాండ్ రెండు మ్యాచులతో కూడిన టెస్టు సిరీస్ ఆడుతోంది. తొలి టెస్టులో డబుల్ సెంచరీ బాదిన రూట్.. రెండో టెస్టులోనూ 186(శతకం) చేసి పలు రికార్డులు నెలకొల్పాడు. ఈ క్రమంలోనే రెండో టెస్టు మూడు రోజు ఆటలో అతడి ఆట తీరు.. ప్రతి ఆటగాడికి స్ఫూర్తిదాయకమని అన్నాడు సంగక్కర.
"రూట్ ఆటతీరును చూసి ప్రతిఒక్కరూ ఆశ్చర్యపోవాల్సిందే. ఎంతో అత్యుత్తమంగా ఆడాడు. అతడి వ్యూహాలు, ప్రణాళికలను పక్కాగా అమలుచేయడం, రివర్స్ స్వీప్, స్ట్రైక్ రొటేషన్, టెక్నిక్, ప్రశాంత స్వభావము, సమతుల్యం చేసుకుంటూ పరిస్థితులకు తగ్గట్లు ఆడటం ఇలా ప్రతిదీ అద్భతుం, అసాధారణం. అతడి నుంచి చాలా నేర్చుకోవచ్చు. పిచ్ను, అక్కడి పరిస్థితులను అన్నింటిని తన ఆధీనంలోకి తీసేసుకున్నాడు. అతడి ఆటను చూసి చాలా నేర్చుకున్నా."
-సంగక్కర, లంక మాజీ సారథి.
సహ ఆటగాడు జాస్ బట్లర్ కూడా రూట్ ఆటతీరుపై ప్రశంసలు కురిపించాడు. "స్పిన్ బౌలింగ్ పై రూట్ ఆడిన ఇన్నింగ్స్ మాస్టర్ క్లాస్గా ఉంది. 30 ఏళ్ల రూట్ ఇన్నింగ్స్ చూస్తూ చాలా నేర్చుకోవచ్చు." అని పొగిడాడు.
రూట్ రికార్డు
శ్రీలంకతో జరుగుతోన్న టెస్టు సిరీస్లో ఇంగ్లాండ్ సారథి జో రూట్ ఆకాశమే హద్దుగా చెలరేగి వరుసగా రికార్డులు నమోదు చేశాడు. టెస్టు క్రికెట్లో తమ జట్టు తరఫున అత్యధికంగా 8,238 పరుగులు సాధించిన ఇంగ్లాండ్ నాలుగో క్రికెటర్గా నిలిచాడు. మూడు శతకాలు బాది.. కెరీర్లో మొత్తం 19సెంచరీలను తన ఖాతాలో వేసుకున్నాడు.
ఇదీ చూడండి : ఇంగ్లాండ్ సారథి జో రూట్ మరో రికార్డు
