ఐపీఎల్లో ముంబయి ఇండియన్స్కు నాలుగు సార్లు ట్రోఫీని అందించి విజయవంతమైన సారథిగా గుర్తింపు పొందాడు రోహిత్ శర్మ. అయితే ఈ లీగ్లో టోర్నీ ఆసాంతం హిట్మ్యాన్ ఎపుడూ రాణించలేదు. అంచనాలకు తగ్గ ప్రదర్శన చేయలేకపోయాడు. అయితే ఈసారి టాపార్డర్లో రోహిత్ చెలరేగితే ముంబయికి మరోసారి టైటిల్ ఖాయమని అంటున్నాడు ఆస్ట్రేలియా మాజీ పేసర్ బ్రెట్లీ.
"రోహిత్ శర్మ తన పవర్ఫుల్ ఇన్నింగ్స్‌లతో ముంబయికి మంచి ఆరంభాన్ని ఇవ్వాలి. ఈ జట్టు తరఫున రోహిత్ పరుగులు చేయడం చాలా ముఖ్యం. అతను గొప్ప కెప్టెన్ కావచ్చు. కానీ నాయకుడనేవాడు ముందుండి పరుగులు చేస్తూ జట్టుకు అండగా నిలవాలి. అప్పుడు ఇతర ఆటగాళ్లు కూడా రాణిస్తారు. జట్టులో ఉన్న ఇతర ఆటగాళ్లకంటే రోహిత్కు అనుభవం ఎక్కువ. యూఏఈ పరిస్థితులపై అతడికి అనుభవం ఉంది. అక్కడ మంచి ప్రదర్శనలూ చేశాడు. బ్యాటింగ్లో రాణిస్తే కెప్టెన్గా ఒత్తిడి తగ్గుతుంది. ఇతడు బ్యాటింగ్లో రాణిస్తే ముంబయికి టైటిల్ గెలిచే అవకాశాలు ఎక్కువగా ఉన్నాయి. ఈసారి ముంబయి సమతూకంతో ఉంది. ప్లేఆఫ్స్కు చేరుకుంటుంది."
-బ్రెట్లీ, ఆస్ట్రేలియా మాజీ పేసర్
ఈనెల 19న ఐపీఎల్ 13వ సీజన్ ప్రారంభంకానుంది. మొదటి మ్యాచ్లో చెన్నై సూపర్ కింగ్స్తో తలపడనుంది డిఫెండింగ్ ఛాంపియన్ ముంబయి ఇండియన్స్.
