ఆటగాళ్ల భద్రతపై నీలినీడలు!

అంతర్జాతీయ పోటీల్లో పాల్గొనే క్రీడాకారులకు ప్రత్యేక భద్రత కల్పిస్తారు. అయినప్పటికీ వారిపై దాడులు జరుగుతున్నాయి. కొన్ని ఘటనల్లో ఆటగాళ్లు మృతి చెందిన సందర్భాలూ ఉన్నాయి. మరికొన్ని సార్లు త్రుటిలో తప్పించుకున్నారు. తాజాగా న్యూజిలాండ్​లో జరిగిన ఉదంతమే దీనికి నిదర్శనం.

న్యూజిలాండ్​లో శుక్రవారం జరిగిన దాడిలో 49 మంది చనిపోవడం ప్రపంచాన్నే కలవరపెట్టింది. కొద్దిపాటిలో బంగ్లాదేశ్ క్రికెటర్లు ప్రాణాపాయం నుంచి తప్పించుకున్నారు. క్రికెటర్లు, ఆటగాళ్లపై బాంబు లేదా ఉగ్రదాడి జరగడం ఇదేమి కొత్త కాదు. 'మ్యూనిచ్ ఒలింపిక్స్' నుంచి ఈ దాడి వరకు ఇదే రీతిలో జరిగిన కొన్ని ఉదంతాలు చూద్దాం..

1972: మ్యూనిచ్ ఒలింపిక్స్..

1972, సెప్టెంబరు 5నఒలింపిక్స్​పైజరిగిన దాడిక్రీడాలోకాన్ని నివ్వెరపోయేలా చేసింది. 11 మంది ఇజ్రాయిల్ అథ్లెట్లు, శిక్షకులను అత్యంత దారుణంగా చంపేశారు తీవ్రవాదులు.

1987: శ్రీలంకలో న్యూజిలాండ్ జట్టు పర్యటన..

మూడు టెస్టులు ఆడేందుకు శ్రీలంక వచ్చింది కివీస్ జట్టు. మొదటి మ్యాచ్​కు ముందే వారు ఉంటున్న హోటల్ దగ్గర బాంబు దాడి జరిగింది. దీంతో ఈ సిరీస్ రద్దయింది. ఈ ఘటనలో 113 మంది ప్రాణాలు కోల్పోయారు.

2002: పాకిస్థాన్​లో న్యూజిలాండ్ జట్టు పర్యటన..

పాకిస్థాన్​లో న్యూజిలాండ్ క్రికెట్ జట్టు పర్యటించింది. వారికి ఆతిథ్యమిచ్చిన హోటల్ బయట బాంబు దాడి జరిగింది. 12 మంది ప్రాణాలు విడిచారు. వెంటనే దేశానికి రావాలని కివీస్ క్రికెట్ బోర్డు ఆటగాళ్ల​ను ఆదేశించింది. ఈ సిరీస్ రద్దయింది.

2009: పాకిస్థాన్​లో శ్రీలంక జట్టు పర్యటన..

లాహోర్​లో జరిగిన రెండో టెస్టు మూడో రోజు శ్రీలంక క్రికెటర్లు వస్తున్న బస్సు​పై దాడి జరిగింది. క్రీడాకారులే లక్ష్యంగాసుమారు 12 మంది తీవ్రవాదులు కాల్పులు జరిపారు. ఈ ఘటనలో బస్సు డ్రైవర్​తో పాటు ఆరుగులు పోలీసులు మృతి చెందారు. ఆరుగులు శ్రీలంక క్రికెటర్లకు తీవ్రగాయాలయ్యాయి. అప్పటి నుంచి ఇప్పటి వరకు పాకిస్థాన్​లో అంతర్జాతీయ మ్యాచ్​లు జరగలేదు.

2010: ఆఫ్రికన్ జాతీయ ఫుట్​బాల్ టోర్నమెంట్..

ఆఫ్రికన్ ఫుట్​బాల్ టోర్నమెంట్​లో పాల్గొనేందుకు బస్సులో వెళ్తున్న టోగో జాతీయ ఫుట్​బాల్ జట్టుపై దుండగులు దాడికి తెగబడ్డారు. అంగోలన్ ప్రావిన్స్​ ప్రాంతంలో ఈ దుశ్చర్య జరిగింది. జట్టు సహాయ మేనేజర్, మీడియా అధికారి ఈ ఘటనలో మృతి చెందారు.

2019: న్యూజిలాండ్​లో బంగ్లాదేశ్ జట్టు పర్యటన..

మూడో టెస్టు మొదలు కావడానికి ఒక రోజు ముందు క్రైస్ట్​చర్చ్​లోని మసీదులో ప్రార్థన చేసేందుకు వెళ్లారు బంగ్లాదేశ్ క్రికెటర్లు. అంతలో ఓ ఆగంతకుడు అక్కడ తుపాకీ​తో​ బీభత్సం సృష్టించాడు. ఇందులో 49 మంది సామాన్య ప్రజలు ప్రాణాలు కోల్పోయారు. క్రికెటర్లు ప్రాణాలతో బయటపడ్డారు. ఈ సిరీస్ రద్దయింది.

ఇలాంటి ఘటనలు తరచూ జరుగుతున్నాయి. అంతర్జాతీయ టోర్నీలకు పటిష్ట భద్రత కల్పించాలని ఆటగాళ్లు కోరుతున్నారు.