'గృహహింసపై మౌనం వీడి ఫిర్యాదు చేయండి'

లాక్డౌన్లో గృహహింసను ఎదుర్కొంటోన్న మహిళలకు టీమ్ఇండియా కెప్టెన్ విరాట్ కోహ్లీ, రోహిత్ శర్మతో పాటు పలువురు బాలీవుడ్ ప్రముఖులు మద్దతుగా నిలిచారు. బాధితులు వారి మౌనాన్ని వీడి 100కు ఫిర్యాదు చేయాలని ఈ వీడియో ద్వారా కోరారు.

Team India Captain Virat Kohli Share Important Message On Domestic Violence Amid Lockdown

గృహహింసపై మౌనం వీడి ఫిర్యాదు చేయండి

Published : Apr 20, 2020, 2:14 PM IST

Updated : Apr 20, 2020, 2:22 PM IST

కరోనా లాక్డౌన్లో గృహహింసపై స్పందిస్తూ.. టీమ్ఇండియా కెప్టెన్ విరాట్ కోహ్లీ ఓ ముఖ్యమైన వీడియోను ఇన్స్టాలో పోస్ట్ చేశాడు. అతని భార్య అనుష్క శర్మతో పాటు క్రికెటర్ రోహిత్ శర్మ, భారత మహిళా జట్టు మాజీ కెప్టెన్ మిథాలీ రాజ్, పలువురు బాలీవుడ్ ప్రముఖులు అందులో కనిపించి సందేశాన్ని అందించారు.

"గృహహింసలో మీరు బాధితురాలిగా, సాక్షిగా లేదా గృహహింస నుంచి బయటపడిన వారైతే దయచేసి పోలీసులకు తెలియజేయండి" అని కోహ్లీ పోస్ట్ చేశాడు. ఈ వీడియోను అనుష్క శర్మ షేర్ చేసింది. ఈ వీడియోలో బాలీవుడ్ తారలు ఫర్హాన్ అక్తర్, కరణ్ జోహర్, మాధురీ దీక్షిత్ తదితరులు ఉన్నారు. లాక్డౌన్ సమయంలో గృహహింస గణనీయంగా పెరిగిందని వారందరూ చెబుతున్నారు. ఆ బాధితులకు అండగా నిలబడటం సహా ఇలాంటి చర్యలను రూపుమాపాలని స్త్రీలను కోరారు.

లాక్డౌన్లో పెరిగిన ఫిర్యాదులు

మార్చి 22 నుంచి ఏప్రిల్ 16 వరకు 239, ఫిబ్రవరి 27 నుంచి మార్చి 22 వరకు 123 గృహహింస ఫిర్యాదులు అందినట్లు జాతీయ మహిళా కమిషన్ పేర్కొంది. ప్రధాని మోదీ మార్చి 24 నుంచి లాక్డౌన్ ప్రకటించిన క్రమంలో ఈ కేసులు మరింత పెరిగాయని వారు తెలిపారు.

హెల్ప్లైన్లు ఏర్పాటు

గృహహింసను ఎదుర్కొంటున్న మహిళలకు సహాయపడటానికి దేశవ్యాప్తంగా 50కి పైగా హెల్ప్లైన్లు ప్రారంభించామని హోం మంత్రిత్వశాఖ అధికారి తెలిపారు. వీటిలో కొన్ని హెల్ప్లైన్లు జాతీయంగా, మరికొన్ని రాష్ట్ర, జిల్లా స్థాయిల్లో పని చేస్తాయని పేర్కొన్నారు.