ప్రపంచకప్ ఓటమి తర్వాత టీమిండియా.. వెస్టిండీస్ పర్యటనకు వెళ్లనుంది. ఆగస్టు 3న ప్రారంభం కానున్న ఈ సిరీస్ కోసం ఇప్పటికే సెలక్షన్ కమిటీ ఆటగాళ్లను ఎంపిక చేసింది. అయితే ఈ ఎంపికపై కొందరు మాజీ ఆటగాళ్లు అసంతృప్తి వ్యక్తం చేస్తున్నారు. తాజాగా మాజీ సారథి గంగూలీ స్పందిస్తూ రహానే, శుభమన్ గిల్లకు వన్డే జట్టులో చోటు కల్పించపోవడంపై అసహనాన్ని వ్యక్తం చేశాడు.
"జట్టులో మూడు ఫార్మాట్లలోనూ సత్తాచాటగల ఆటగాళ్లు ఉన్నారు. అలాగే రహానే, శుభమన్గిల్ వన్డే జట్టులో లేకపోవడం ఆశ్చర్యకరం" అంటూ గంగూలీ ట్వీట్ చేశాడు.
ముూడు ఫార్మాట్లలోనూ ఒకే ఆటగాళ్లను తీసుకుంటే వారి ఆటలో స్థిరత్వం పెంపొంది ఆత్మ స్థైర్యం పెరుగుతుందని గంగూలీ అభిప్రాయపడ్డాడు. అందరనీ సంతృప్తిపరచడం కంటే అత్యుత్తమ ఆటగాళ్లను తీసుకోవడం ముఖ్యమని తెలిపాడు.
వెస్టిండీస్ పర్యటనకు ఎంపిక చేసిన టెస్టు జట్టులో రహానేకు చోటు దక్కినా వన్డే, టీ20ల్లో స్థానం లభించలేదు. వెస్టిండీస్ ఏ సిరీస్లో విజయవంతమైనా.. శుభమన్గిల్ ఈ సిరీస్కు ఎంపిక కాలేదు.
గంగూలీతో పాటు పలువురు మాజీ క్రికెటర్లు జట్టు ఎంపికపై అసంతృప్తి వ్యక్తం చేశారు. ముఖ్యంగా వెస్టిండీస్ ఏ జట్టుతో జరిగిన సిరీస్లో శుభమన్ గిల్ మంచి ప్రదర్శన కనబర్చాడు. 218 పరుగులు చేసి మ్యాన్ ఆఫ్ ద సిరీస్గా ఎంపికయ్యాడు. కానీ ఇతడికి జట్టులో చోటు దక్కలేదు.
ప్రపంచకప్లో విఫలమైన మిడిలార్డర్పై ఇకనైనా దృష్టిసారించాలని పలువురు సూచిస్తున్నారు. నాలుగో స్థానానికి రహానే సరిగా సరిపోతాడని బీసీసీఐ మాజీ సెక్రటరీ సంజయ్ జగ్దాలే అభిప్రాయపడ్డాడు.
ఇవీ చూడండి.. ధోనీ రిటైర్మెంట్ వాయిదాకు కారణం ఇదేనా?
