దిల్లీ క్యాపిటల్స్ కెప్టెన్గా రిషభ్ పంత్ ఎంపికవడంపై చెన్నై సూపర్కింగ్స్ స్టార్ క్రికెటర్ సురేశ్ రైనా స్పందించాడు. విజయాలతో తమ జట్టుకు అదృష్టాన్ని తీసుకొచ్చే సారథి అతడు అవుతాడని అభిప్రాయపడ్డాడు. కొత్త బాధ్యతలను గౌరవంతో నిర్వర్తిస్తాడని ట్విట్టర్ వేదికగా పేర్కొన్నాడు.
దిల్లీ కెప్టెన్ శ్రేయస్ అయ్యర్.. ఇటీవల జరిగిన ఇంగ్లాండ్తో సిరీస్లో గాయపడ్డాడు. ఎడమ భుజానికి శస్త్రచికిత్స చేయాల్సి ఉండటం వల్ల ఈ సీజన్ మొత్తానికి అతడు దూరమయ్యాడు. ఈ క్రమంలోనే పంత్ను కొత్త సారథిగా నియమిస్తున్నట్లు మంగళవారం, జట్టు అధికారికంగా ప్రకటించింది.
"గత రెండు సీజన్లలో శ్రేయస్ కెప్టెన్సీలో పంత్ ప్రదర్శన అమోఘం. ఫలితాలే అందుకు నిదర్శనం. ఇప్పుడు సారథిగా పంత్కు ఇది అద్భుత అవకాశం. ఇటీవల ఇంగ్లాండ్, ఆస్ట్రేలియాపై విజయవంతమైన అతడు.. కొత్త బాధ్యతలు తీసుకునేందుకు పూర్తి విశ్వాసంతో ఉన్నాడు" అని దిల్లీ క్యాపిటల్స్ ప్రధాన కోచ్ పాంటింగ్ చెప్పాడు.
దిల్లీ క్యాపిటల్స్, తన తొలి మ్యాచ్ను ఏప్రిల్ 10న చెన్నై సూపర్కింగ్స్తో తలపడనుంది. దీనికి ముంబయిలోని వాంఖడే మైదానం వేదిక కానుంది.
