'ముంబయి జట్టు బలహీనతలు ఆ రెండే!'

ఎక్కువ మంది స్పిన్నర్లు లేకపోవడం, మిడిల్​ ఆర్డర్​ బలహీనంగా ఉండటం ముంబయి ఇండియన్స్​ బలహీనతలని అంటున్నాడు దిగ్గజ క్రికెటర్​ సునీల్​ గావస్కర్​. శనివారం నుంచి ఐపీఎల్​ ప్రారంభం కాబోతున్న క్రమంలో ముంబయి ఇండియన్స్​ కోసం ఉత్తమ జట్టును ఎంపిక చేశాడు.

సెప్టెంబరు 19 నుంచి ఇండియన్​ ప్రీమియర్​ లీగ్​ (ఐపీఎల్​) ప్రారంభం కాబోతుంది. ప్రారంభ మ్యాచ్​లో చెన్నై సూపర్​కింగ్స్​ జట్టుతో ముంబయి ఇండియన్స్​ తలపడనుంది. ఈ నేపథ్యంలో తన దృష్టిలో ముంబయి ఇండియన్స్​ తుది జట్టును ఎంపిక చేశాడు మాజీ క్రికెటర్​ సునీల్​ గవాస్కర్​. జట్టులో స్పిన్నర్లు లేకపోవడం, మిడిల్​ ఆర్డర్​ బలహీనంగా ఉండటం వంటి రెండు సమస్యలు ఉన్నాయని గావస్కర్​ అన్నాడు.

"ఓపెనర్లుగా రోహిత్​ శర్మ, క్వింటన్​ డికాక్​ బరిలో దిగుతారని ప్రధానకోచ్​ మహేలా జయవర్ధనే ఇదివరకే ప్రకటించారు. ఈ క్రమంలో సూర్య కుమార్​ యాదవ్​ మూడో స్థానంలో బ్యాటింగ్​ చేసే అవకాశం ఉంది. ఇషాన్​ కిషన్​ ఇన్నింగ్స్​ ఓపెనింగ్​ లేదా నాలుగో స్థానంలో ఆడొచ్చు. ఇషాన్​​ తర్వాత కిరన్​ పొలార్డ్​, హార్దిక్​ పాండ్యా, కృనాల్​ పాండ్యాలను ఎంపిక చేయొచ్చు. స్పిన్నర్ల విభాగంలో కృనాల్​, రాహుల్​ చాహర్​లు​ ఉపయోగపడతారు. బౌలింగ్​ లైనప్​లో కల్టర్​నీల్​, బుమ్రా, ట్రెంట్​ బౌల్ట్​, మిచెల్​ మెక్​క్లెనిగన్​ ఉంటారు."

- సునీల్​ గవాస్కర్​, టీమ్​ఇండియా దిగ్గజ క్రికెటర్​

సునీల్​ గావస్కర్​ ఎంపిక చేసిన ముంబయి ఇండియన్స్​ జట్టు

రోహిత్​ శర్మ (కెప్టెన్​), సూర్యకుమార్​ యాదవ్​, క్వింటన్​ డికాక్​ (వికెట్​ కీపర్​), ఇషాన్​ కిషన్​, హార్దిక్​ పాండ్యా, కిరన్​ పొలార్డ్​, కృనాల్ పాండ్యా, కల్టర్​​నీల్​, రాహుల్​ చాహర్​, ట్రెంట్​ బౌల్ట్​/ మిచెల్​ మెక్​క్లెనగన్​, జస్​ప్రీత్​ బుమ్రా.