భారత్తో జరిగిన తొలి టీ20లో దక్షిణాఫ్రికా మహిళల జట్టు గెలుపొందింది. టాస్ ఓడి తొలుత బ్యాటింగ్ చేసిన టీమ్ఇండియా నిర్ణీత ఓవర్లలో 6 వికెట్లు కోల్పోయి 130 పరుగులు చేసింది. హర్లీన్ డియోల్ హాఫ్ సెంచరీతో రాణించగా.. రోడ్రిగ్స్, షెఫాలీ వర్మ ఆకట్టుకున్నారు. సౌతాఫ్రికా బౌలర్లలో శబ్నిమ్ ఇస్మాయిల్ 3, అన్నేకే బోస్క్ 2 వికెట్లు తీశారు.
అనంతరం ఛేదనకు దిగిన దక్షిణాఫ్రికా జట్టు 19.1 ఓవర్లలో 2 వికెట్లు కోల్పోయి లక్ష్యాన్ని ఛేదించింది. పర్యటక జట్టు బ్యాట్స్ఉమెన్లలో అన్నేకే బోస్క్ అర్ధ సెంచరీతో రాణించింది. కెప్టెన్ సునే లూస్ 47 పరుగులతో ఉపయుక్తమైన ఇన్నింగ్స్ ఆడింది. ఈ గెలుపుతో దక్షిణాఫ్రికా మూడు మ్యాచ్ల సిరీస్లో 1-0 ఆధిక్యంలోకి దూసుకెళ్లింది. సిరీస్లో తదుపరి మ్యాచ్ ఆదివారం జరగనుంది.
ఇదీ చదవండి: కుమ్మేసిన టీమ్ఇండియా.. ఇంగ్లాండ్ లక్ష్యం 225
