కివీస్​పై సఫారీలు ప్రతీకారం తీర్చుకుంటారా..!

ప్రపంచకప్​లో భాగంగా బర్మింగ్​హామ్ వేదికగా నేడు న్యూజిలాండ్​తో తలపడనుంది దక్షిణాఫ్రికా. భారత కాలమానం ప్రకారం మధ్యాహ్నం మూడు గంటలకు మ్యాచ్​ ప్రారంభం కానుంది.

ప్రపంచకప్​ వరుస విజయాలతో దూసుకుపోతోంది న్యూజిలాండ్​. పాయింట్ల పట్టికలో ప్రస్తుతం మూడో స్థానంలో ఉంది. ఆడిన ఐదు మ్యాచ్​ల్లో ఒకటి మాత్రమే గెలిచి ఎనిమిదో స్థానంలో ఉంది దక్షిణాఫ్రికా. ఈ రెండు జట్లు బర్మింగ్​హమ్ వేదికగా నేడు తలపడనున్నాయి. 2015 వరల్డ్​ కప్​ సెమీస్​లో​ తమ ఓటమికి కారణమైన కివీస్​పై ప్రతీకారం తీర్చుకోవాలని భావిస్తోంది సఫారీ జట్టు.

దక్షిణాఫ్రికా జట్టు

ఆడిన ఐదు మ్యాచ్​ల్లో ఆఫ్గానిస్థాన్​​పై మాత్రమే గెలిచింది దక్షిణాఫ్రికా. సెమీస్​ ఆశల్ని సజీవం చేసుకోవాలంటే మిగతా వాటిలో తప్పక గెలవాల్సిన పరిస్థితి. పేసర్ ఎంగిడి గాయం నుంచి కోలుకోవడం కలిసొచ్చే అంశం.

పేసర్ లుంగి ఎంగిడి

ఆడిన నాలుగింటిలోనూ మూడు మ్యాచ్​ల్లో గెలిచింది కివీస్. ఈ పోరులో విజయం సాధించి పాయింట్ల పట్టికలో అగ్రస్థానానికి వెళ్లాలని భావిస్తోంది. కెప్టెన్ విలియమ్సన్, రాస్​ టేలర్ ఫామ్​లో ఉన్నారు. ఓపెనర్లు మన్రో, గప్తిల్​ మెరవాల్సిన అవసరముంది. మ్యాచ్​లో కీలక పాత్ర పోషించేందుకు ఆల్​రౌండర్స్ జిమ్మీ నీషమ్, గ్రాండ్​హామ్ ఉండనే ఉన్నారు.

న్యూజిలాండ్ క్రికెట్ జట్టు

జట్లు(అంచనా)

న్యూజిలాండ్: విలియమ్సన్(కెప్టెన్), గప్తిల్, మన్రో, రాస్ టేలర్, గ్రాండ్​హామ్, బౌల్ట్, టామ్ లేథమ్, జిమ్మీ నీషమ్, హెన్రీ, శాంట్నర్, ఫెర్గుసన్

దక్షిణాఫ్రికా: డుప్లెసిస్(కెప్టెన్), ఆమ్లా, మిల్లర్, ఇమ్రాన్ తాహిర్, క్రిస్ మోరిస్, క్వింటాన్ డికాక్, హెండ్రిక్స్, వాన్​డర్​సెన్, మార్క్రమ్, రబాడా, ఫెలుక్వాయో

ఇది చదవండి: అఫ్గాన్​పై 150 పరుగుల తేడాతో ఇంగ్లాండ్​ గెలుపు