ప్రపంచ వ్యాప్తంగా పేరు తెచ్చుకున్న భారత క్రికెటర్ సచిన్ తెందుల్కర్. ఈ దిగ్గజ క్రికెటర్ ప్రస్తుతం ఆస్ట్రేలియాలో విహరిస్తున్నాడు. అయితే అక్కడ ఓ బల్లపై కూర్చొని సూర్యుడి వైపు చూస్తూ ఉన్న ఫొటోను మాస్టర్ తన ఇన్స్టాలో పంచుకున్నాడు. దానికి ఓ సందేశాన్ని జోడించాడు. అభిమానులు సచిన్ ఫోజుకు ఆకర్షితులై కామెంట్ల వర్షం కురిపించారు.
ఈ ఫొటోపై బీసీసీఐ అధ్యక్షుడు సౌరభ్ గంగూలీ కూడా స్పందించాడు. "కొందరు చాలా అదృష్టవంతులు. ఎప్పుడూ సెలవుల్లోనే ఉంటారు" అని కామెంట్ పెట్టాడు.
ఆస్ట్రేలియాలో కార్చిచ్చు బాధితులను ఆదుకొనేందుకు మాజీ క్రికెటర్లతో అక్కడ ఓ ఛారిటీ మ్యాచ్ నిర్వహించారు. అందులో పాంటింగ్‌ జట్టుకు సచిన్ కోచ్‌గా వ్యవహరించారు. అక్కడ పర్యటనలో సచిన్ ఆ ఫొటో దిగాడు.
ఇదీ చదవండి: బుమ్రా మరింత దూకుడుగా ఆడాలి: జహీర్
