గుండెపోటుతో ఇటీవలే ఆస్పత్రిలో చేరిన బీసీసీఐ అధ్యక్షుడు సౌరవ్ గంగూలీ ఆరోగ్యం ప్రస్తుతం నిలకడగా ఉందని వుడ్ల్యాండ్స్ వైద్యులు వెల్లడించారు. బుధవారం దాదాను డిశ్చార్జ్ చేసే అవకాశం ఉందని తెలిపారు. ఆయన ఆరోగ్య పరిస్థితిపై తొమ్మిది మందితో కూడిన వైద్యుల బృందం నేడు సమావేశమైంది. ఈ మీటింగ్కు దాదా కుటుంబసభ్యులు కూడా హాజరయ్యారు. వ్యాధి, చికిత్సా విధానం గురించి డాక్టర్లు వారికి వివరణ ఇచ్చారు
గంగూలీ ఆరోగ్యం నిలకడగా ఉండడం వల్ల మరోసారి యాంజియోప్లాస్టీ చేయాలనే ఆలోచనను వాయిదా వేస్తున్నట్లు వుడ్ల్యాండ్స్ ఆస్పత్రి సీఈవో డాక్టర్ రూపాలీ బసు స్పష్టం చేశారు. కానీ మరో వారం రోజుల్లో మరోసారి యాంజియోప్లాస్టీ చేయాల్సి ఉంటుందని గంగూలీ కుటుంబ సభ్యులకు తెలియజేశారు. మంగళవారం లేదా బుధవారం డిశ్చార్జ్ చేస్తామని వైద్యులు తెలిపారు.
బీసీసీఐ మాజీ అధ్యక్షుడు, కేంద్ర ఆర్థికశాఖ సహాయమంత్రి అనురాగ్ ఠాకూర్, బీసీసీఐ సెక్రటరీ జైషా ఆస్పత్రిలో చికిత్స పొందుతున్న గంగూలీని పరామర్శించారు.
ఇదీచూడండి: 'గంగూలీకి బైపాస్ సర్జరీ అవసరం లేదు'
