టీమ్ఇండియా బౌలర్ మహ్మద్ సిరాజ్పై ప్రశంసల జల్లు కురిపించాడు ఇంగ్లాండ్ మాజీ స్పిన్నర్ గ్రేమ్ స్వాన్. రెండు కీలక వికెట్లతో పర్యటక జట్టును తక్కువ పరుగులకే ఆలౌట్ చేయడంలో సిరాజ్ కీలక పాత్ర పోషించాడని స్వాన్ పేర్కొన్నాడు.
"పిచ్పై ఉన్న తేమను సీనియర్ బౌలర్ ఇషాంత్ వినియోగించుకుంటాడనుకున్నాను.. కానీ అనూహ్యంగా కొత్త కుర్రాడు సిరాజ్ ఆ పని చేశాడు. తన తెలివైన బౌలింగ్తో ఇంగ్లాండ్ జట్టుకు చేయాల్సిన నష్టం చేశాడు. ఈ విషయంలో ఇషాంత్ కూడా ఆశ్చర్యపోయి ఉంటాడు. ముఖ్యంగా కెప్టెన్ రూట్ను ఔట్ చేసిన విధానం.. అతని తెలివైన బౌలింగ్కు నిదర్శనం. వరుసగా ఔట్ స్వింగర్లు వేస్తూ రూట్ను మభ్యపెట్టాడు. తర్వాత ఒక్కసారిగా ఇన్స్వింగ్తో వికెట్ల ముందు దొరకబుచ్చుకున్నాడు."
-గ్రేమ్ స్వాన్, ఇంగ్లాండ్ మాజీ బౌలర్.
"30 పరుగులకే 3 వికెట్లు కోల్పోయిన రూట్సేనను బెయిర్ స్టో, బెన్ స్టోక్స్లు కలిసి ఆదుకునే ప్రయత్నం చేశారు. నాల్గో వికెట్కు 48 పరుగుల భాగస్వామ్యం నెలకొల్పింది ఈ జోడీ. క్రీజులో కుదురుకున్నట్లే కనిపించిన బెయిర్ను ఓ చక్కటి బంతితో సిరాజ్ వెనక్కి పంపాడు. కానీ స్టోక్స్తో వాగ్వాదం సరైనది కాదు. ఇందులో భారత కెప్టెన్ కోహ్లీ కూడా మాట్లాడాల్సి వచ్చింది. విషయం అంపైర్ల వరకు వెళ్లింది. దీని వల్ల స్టోక్స్ ఏకాగ్రత చెడిపోయింది. బౌలింగ్తో అద్భుతంగా రాణిస్తున్న సిరాజ్.. స్లెడ్జింగ్లకు దూరంగా ఉంటూ బౌలింగ్పై దృష్టి సారించండం మంచిది. దానితోనే ప్రత్యర్థులకు సమాధానం చెపితే బాగుంటుందని" స్వాన్ సూచించాడు.
ఇదీ చదవండి: వికెట్ల వేటలో దూసుకెళ్తున్న అక్షర్
