బాక్సింగ్ డే టెస్టు: భారత బౌలర్ల రికార్డులివే!

ఆస్ట్రేలియాతో జరిగిన రెండో టెస్టులో ఘనవిజయం సాధించింది టీమ్ఇండియా. ఈ మ్యాచ్​ ద్వారా భారత బౌలర్లు పలు రికార్డులు సృష్టించారు. అవేంటో చూద్దాం.

ఆస్ట్రేలియాతో జరిగిన బాక్సింగ్ డే టెస్టులో టీమ్ఇండియా ఘనవిజయం సాధించింది. ఈ మ్యాచ్​లో భారత బౌలర్లు బుమ్రా, సిరాజ్, అశ్విన్ అరుదైన ఘనతల్ని సాధించారు. అవేంటో ఓసారి చూద్దాం.

సిరాజ్

ఏడేళ్ల తర్వాత అరంగేట్ర టెస్టు మ్యాచ్​లోనే 5 వికెట్లు సాధించిన తొలి భారత ఆటగాడిగా నిలిచాడు సిరాజ్. 2013లో కోల్​కతా వేదికగా వెస్టిండీస్​తో జరిగిన టెస్టులో మహ్మద్ షమీ టెస్టు అరంగేట్రం చేసి తొమ్మిది వికెట్లు తీశాడు. తర్వాత ఇప్పుడు సిరాజ్ అరంగేట్రంలో ఐదు వికెట్లు దక్కించుకున్నాడు. అశ్విన్ కూడా 2011లో అరంగేట్రంలోనే ఐదు వికెట్లు సాధించాడు.

అశ్విన్

ఆస్ట్రేలియా రెండో ఇన్నింగ్స్​లో రెండు వికెట్లు సాధించిన టీమ్ఇండియా స్పిన్నర్ అశ్విన్ ప్రపంచ రికార్డు సృష్టించాడు. ఆసీస్ ఆటగాడు హెజిల్​వుడ్​ను ఔట్ టేసి టెస్టు క్రికెట్​లో 192 లెఫ్టాండ్ బ్యాట్స్​మెన్ వికెట్లు తీసిన తొలి క్రికెటర్​గా ఘనత సాధించాడు. శ్రీలంక దిగ్గజ స్పిన్నర్ మురళీధరన్ తన 800 వికెట్లలో 191 లెఫ్టాండర్ వికెట్లు దక్కించుకున్నాడు. ఇప్పటివరకు ఇదే అత్యధికం. తాజాగా ఈ రికార్డును తిరగరాశాడు అశ్విన్. అయితే అశ్విన్ తీసిన మొత్తం వికెట్లు 375లో దాదాపు సగం వికెట్లు ఎడమ చేతి బ్యాట్స్​మెన్​వి కావడం విశేషం.

బుమ్రా

రెండో టెస్టులో ఆరు వికెట్లతో సత్తాచాటిన బుమ్రా ఈ మ్యాచ్​తో ఓ ఘనత సాధించాడు. మెల్​బోర్న్ స్టేడియంలో ఎక్కువ వికెట్లు సాధించిన భారత బౌలర్​గా కుంబ్లే సరసన నిలిచాడు. అలాగే 2018 నుంచి విదేశాల్లో జరిగిన టెస్టుల్లో ఎక్కువ టెస్టు వికెట్లు సాధించిన బౌలర్​గా బుమ్రా అగ్రస్థానంలో కొనసాగుతున్నాడు. బుమ్రా ఖాతాలో 76 వికెట్లు ఉండగా, షమీ 61, ఇషాంత్ 53, కమిన్స్ 51 తర్వాత స్థానాల్లో ఉన్నారు.

మెల్​బోర్న్​లో భారత బౌలర్ల వికెట్లు

బౌలర్	వికెట్లు	ఇన్నింగ్స్
బుమ్రా	15	4
కుంబ్లే	15	6
కపిల్​దేవ్	14	6