ఆర్సీబీ లోగో మారిస్తే.. ట్రోఫీ సన్​రైజర్స్​ గెలుస్తోందా!

మార్చిలో ప్రారంభమయ్యే ఐపీఎల్‌ నయా సీజన్‌ కోసం రాయల్‌ ఛాలెంజర్స్‌ బెంగళూరు సరికొత్తగా ముస్తాబవుతోంది. శుక్రవారం ఆ జట్టు కొత్త లోగోను ఆవిష్కరించింది. అయితే దీనిపై సన్​రైజర్స్​ హైదరాబాద్​ తాజాగా ఓ ఆసక్తికరమైన ట్వీట్​ చేసింది. ఇది నెట్టింట వైరల్​గా మారింది.

ఐపీఎల్​ 13వ సీజన్​ కోసం అప్పుడే రంగం సిద్ధం చేసుకుంటున్నాయి ఫ్రాంచైజీలు. మార్చి 29 నుంచి ఈ లీగ్​ ప్రారంభం కానుంది. తాజాగా ఈ మెగాటోర్నీ ముంగిట తమ జట్టు లోగో మార్చుతున్నట్లు ట్విట్టర్​ వేదికగా ప్రకటించింది రాయల్​ ఛాలెంజర్స్​ బెంగళూరు(ఆర్సీబీ). సింహం బొమ్మతో కూడిన ఆ లోగో.. ధైర్యమైన, నిర్భయమైన జట్టు వ్యక్తిత్వాన్ని చాటుతుందని యాజమాన్యం పేర్కొంది. తాజాగా దీనిపై కౌంటర్​ వేసింది సన్​రైజర్స్​ హైదరాబాద్​.

ఆర్సీబీ మూడు లోగోలు

మూడోసారైనా మారేనా..?

ఆర్సీబీ ఫ్రాంచైజీ తాజాగా లోగోను మూడోసారి మార్పు చేసింది. "మీరు ఎదురు చూసిన క్షణం ఇదే. కొత్త ఆర్సీబీ.. కొత్త దశాబ్దం.. కొత్త లోగో" అని పేర్కొంది. లోగోతో పాటు ఆ జట్టు జెర్సీ డిజైన్‌ను కూడా మార్చినట్లు తెలిపింది. అయితే ట్వీట్​పై కౌంటర్​ వేసిన సన్​రైజర్స్​.. "ఈ సారి లోగో చాలా బాగుంది. ఆరెంజ్​ ఆర్మీ బోల్డ్​గా ఆడేందుకు ఈ సీజన్​లోనూ సిద్ధంగా ఉండండి" అంటూ బెయిర్‌ స్టో, డేవిడ్‌ వార్నర్‌ల ఫోటోను పోస్ట్‌ చేసింది.

• Ee sala logo chaala bagundi! 👌
  
  The #OrangeArmy is ready to #PlayBold yet again this season 😉🧡 https://t.co/43v0Fyq5U5 pic.twitter.com/vrbJanoa8y

  — SunRisers Hyderabad (@SunRisers) February 14, 2020 " class="align-text-top noRightClick twitterSection" data="

  Ee sala logo chaala bagundi! 👌
  
  The #OrangeArmy is ready to #PlayBold yet again this season 😉🧡 https://t.co/43v0Fyq5U5 pic.twitter.com/vrbJanoa8y

  — SunRisers Hyderabad (@SunRisers) February 14, 2020

  ">

  Ee sala logo chaala bagundi! 👌
  
  The #OrangeArmy is ready to #PlayBold yet again this season 😉🧡 https://t.co/43v0Fyq5U5 pic.twitter.com/vrbJanoa8y

  — SunRisers Hyderabad (@SunRisers) February 14, 2020

2009లో ఆర్సీబీ లోగో మార్చగా.. డెక్కన్​ ఛార్జర్స్​ హైదరాబాద్​ కప్పు గెలిచింది. 2016లో మళ్లీ లోగో మారిస్తే.. సన్​రైజర్స్​ రెండోసారి విజేతగా నిలిచింది. తాజాగా లోగ్​ మార్చడంపై మూడోసారి కప్పు మనదే అంటూ సన్​రైజర్స్​ అభిమానులు కామెంట్లు పెడుతున్నారు. ముచ్చటగా మూడోసారి కాబట్టి మేమే ట్రోఫీ గెలుస్తామంటూ ఆర్సీబీ అభిమానులు కౌంటర్​ రిప్లై ఇస్తున్నారు.

సన్​రైజర్స్​ అభిమానుల మీమ్స్​

12 సీజన్లలో ట్రోఫీ లేకుండానే..

2008లో ఐపీఎల్ ప్రారంభమవగా.. ఇప్పటికి మొత్తం 12 సీజన్లు ముగిశాయి. 2016లో ఫైనల్‌కి చేరిన ఆర్సీబీ.. ఆ తర్వాత నుంచి పేలవ ప్రదర్శనతో అభిమానుల్ని నిరాశపరుస్తోంది. 2019 సీజన్‌లో వరుస పరాజయాల్ని చవిచూసిన ఆ జట్టు.. కనీసం ప్లేఆఫ్‌కి కూడా అర్హత సాధించలేకపోయింది. ఐపీఎల్ 2020 సీజన్‌లోనైనా టైటిల్‌ను ముద్దాడాలనే పట్టుదలతో ఉంది.