స్టార్‌ ఓపెనర్ రోహిత్‌శర్మను ప్రస్తుత క్రికెట్లో ఎవరు ఆడుతుంటే బాగా ఆస్వాదిస్తారు అని అడిగితే.. కోహ్లీనో ధోనీనో కాక మరో పేరు చెబితే? విరాట్‌ గురించి ఒక్క మాట చెప్పు.. సచిన్‌-సెహ్వాగ్‌లో ఎవరు ఇష్టం? అనే ప్రశ్నలకు అతడు సమాధానాలు చెప్పకుండా దాటవేస్తే? అభిమానులతో ఆదివారం జరిగిన ఇన్స్టా చాట్ సందర్భంగా హిట్మ్యాన్ ఇదే చేశాడు. ఆ ముచ్చట్లేంటో చూద్దాం.
- ప్రస్తుత క్రికెట్లో మీరు ఎవరి బ్యాటింగ్‌ను ఎక్కువ ఆస్వాదిస్తారు?
ఆస్ట్రేలియా స్టార్‌ స్టీవ్‌ స్మిత్‌, ఇంగ్లాండ్‌ ఓపెనర్ జేసన్‌ రాయ్‌.
- కోలీ (kholi) గురించి ఒక్క మాటలో వర్ణించమంటే?
ముందు స్పెల్లింగ్ సరి చేసుకో.
- సచిన్‌, సెహ్వాగ్‌లలో మీకు ఇష్టమైన వాళ్లు ఎవరు?
నేను చావాలనుకుంటున్నారా ఏంటి?
- వన్డేల్లో 300, టీ20ల్లో 200 ఏది కావాలనుకుంటున్నారు?
రెండూ కావాలి
- వడాపావ్‌, పోహా ఇందులో ఇష్టమైంది?
పోహా
- ఈ ఏడాది ఏం జరగాలనుకుంటున్నారు టీ20 ప్రపంచకప్పా లేక ఐపీఎల్‌ టోర్నీయా?
రెండూ జరగాలి
- ప్రస్తుత క్రికెట్లో ఉత్తమ ఫీల్డర్‌?
న్యూజిలాండ్‌ ఆటగాడు మార్టిన్‌ గప్తిల్‌
- బరువు ఎలా తగ్గాలి?
ఇతణ్ని అడగండి (మాజీ ఆఫ్‌ స్పిన్నర్‌ ప్రజ్ఞాన్‌ ఓజా ఫొటో పెట్టి)
వీళ్ల గురించి ఒక్క మాటలో..
- ధోనీ?
దిగ్గజం
- యువరాజ్‌?
జట్టు కత్తిరించుకో
- కేఎల్‌ రాహుల్‌?
సూపర్‌ (ఎమోజీ ద్వారా)
- శిఖర్‌ ధావన్‌?
గబ్బర్‌
- హార్దిక్‌ పాండ్య?
ప్రతిభావంతుడైన ఆటగాడు
ఇవీ చదవండి:
