ప్రపంచ క్రికెట్లో కెప్టెన్గా, ఆటగాడిగా ఎన్నో రికార్డులు, టైటిళ్లు సాధించిన విరాట్ కోహ్లీ... ఐపీఎల్లో మాత్రం నిరాశపరుస్తున్నాడు. 12 సీజన్లలో ఒక్కసారి తన జట్టు రాయల్ ఛాలెంజర్స్ బెంగళూరు(ఆర్సీబీ)కు కప్పు అందించలేకపోయాడు. అందుకే ఈ సారి జట్టు ఎంపికపై ప్రత్యేక దృష్టి సారించింది ఫ్రాంఛైజీ. ఇందులో భాగంగానే ఐపీఎల్ 13వ సీజన్ కోసం అన్ని విభాగాల్లోనూ సరైన ఆటగాళ్లను ఎంపిక చేసుకోవాలని ఆశపడుతున్నాడు విరాట్. డిసెంబర్ 18న(బుధవారం) కోల్కతాలో ఐపీఎల్-2020 వేలంపాట జరగనుంది.
ఇటీవల జరిగిన ట్రేడింగ్ విండోలో కొంత మంది ఆటగాళ్లను అట్టిపెట్టుకున్న బెంగళూరు జట్టు.. మరికొంతమంది స్టార్ ప్లేయర్లను విడిచిపెట్టింది. ఫ్రాంఛైజీ వద్ద మిగులు నిధులు రూ.27.90 కోట్లు ఉండగా... ఈ మొత్తంతో జట్టు అత్యధికంగా 12 మంది ఆటగాళ్లను కొనుక్కోవచ్చు. వీరిలో ఆరుగురు స్వదేశీ, మరో ఆరుగురు విదేశీ ఆటగాళ్లు అవసరం.
అట్టిపెట్టుకున్న ఆటగాళ్లు:
విరాట్ కోహ్లీ, మొయిన్‌ అలీ, యుజువేంద్ర చాహల్‌, ఏబీ డివిలియర్స్‌, పార్థివ్‌ పటేల్‌, మహ్మద్‌ సిరాజ్‌, పవన్‌ నేగి, ఉమేశ్‌ యాదవ్‌, గురుకీరత్‌ మన్‌, దేవదత్‌ పడిక్కల్‌, శివమ్‌ దూబె, వాషింగ్టన్‌ సుందర్‌, నవదీప్‌ సైని
విడుదల చేసిన ప్లేయర్లు:
మార్కస్‌ స్టొయినిస్‌, హెట్‌మెయిర్‌, అక్షదీప్‌ నాథ్‌, నాథన్‌ కల్టర్‌నైల్‌, కొలిన్‌ డి గ్రాండ్‌హోమ్‌, ప్రయాస్‌ బర్మన్‌, టిమ్‌ సౌథీ, కుల్వంత్‌ కేజ్రోలియా, హిమ్మత్‌ సింగ్‌, హెన్రిచ్‌ క్లాసెన్‌, మలింగ్‌ కుమార్‌, డేల్‌ స్టెయిన్‌
