పురుషుల టీ20 ర్యాంకింగ్స్ను అంతర్జాతీయ క్రికెట్ మండలి (ఐసీసీ) బుధవారం విడుదల చేసింది. బ్యాటింగ్ జాబితాలో టీమ్ఇండియా కెప్టెన్ విరాట్ కోహ్లీతో పాటు ఓపెనర్ కేఎల్ రాహుల్ స్థానాలను మెరుగుపర్చుకున్నారు. 816 పాయింట్లతో రాహుల్ రెండో స్థానానికి చేరుకోగా.. 697 పాయింట్లతో కోహ్లీ ఆరో స్థానానికి ఎగబాకాడు. ఇంగ్లాండ్కు చెందిన డేవిడ్ మలన్(915) అగ్రస్థానంలో నిలిచాడు.
బౌలింగ్ విభాగంలో మొదటి ఆరు స్థానాల్లో ఎలాంటి మార్పు లేదు. అఫ్ఘానిస్థాన్ స్పిన్నర్ రషీద్ఖాన్.. 736 పాయింట్లతో అగ్రస్థానంలో నిలిచాడు. న్యూజిలాండ్కు చెందిన మిచెల్ శాంట్నర్.. 648 పాయింట్లతో ఏడో స్థానానికి చేరుకున్నాడు. ఇంగ్లాండ్కు చెందిన క్రిస్ జోర్డాన్ పదోస్థానంలో ఉన్నాడు. ఈ జాబితాలో టాప్-10లో ఒక్క భారత బౌలర్ లేకపోవడం గమనార్హం.
ఆల్రౌండర్ల ర్యాంకింగ్స్ టాప్-10లోనూ టీమ్ఇండియా ఆటగాళ్లెవరూ స్థానం సంపాదించలేదు. ఈ జాబితాలో అఫ్ఘానిస్థాన్ క్రికెటర్ మహ్మద్ నబీ.. 294 పాయింట్లతో అగ్రస్థానంలో నిలిచాడు.
ఇదీ చూడండి: అవి పిచ్లా లేక పంట పొలాలా?.. ఈటీవీ భారత్తో కర్సన్ ఘర్వీ
