దక్షిణాఫ్రికా క్రికెట్(సీఎస్ఏ) వార్షిక అవార్డుల ప్రదానోత్సవంలో పరిమిత ఓవర్ల కెప్టెన్ క్వింటన్ డికాక్.. 'మెన్ క్రికెటర్ ఆఫ్ ది ఇయర్'గా ఎంపికయ్యాడు. ఇలా నిలవడం ఇతడికిది రెండోసారి. 2017లో ఈ అవార్డును కైవసం చేసుకున్నాడు. కరోనా ప్రభావంతో వర్చువల్ పద్ధతిలో ఈ కార్యక్రమాన్ని నిర్వహించారు. 27 ఏళ్ల డికాక్.. 'టెస్టు క్రికెటర్ ఆఫ్ ది ఇయర్'గానూ నిలిచాడు.
సఫారీ మహిళా యువ ఓపెనర్ లారా వోల్వార్ట్.. ఈ ఏడాది 'ఉమెన్ క్రికెటర్ ఆఫ్ ది ఇయర్' సహా 'వన్డే క్రికెటర్ ఆఫ్ ది ఇయర్' అవార్డులను సొంతం చేసుకుంది. ఈ గౌరవాన్ని దక్కించుకున్న అతి పిన్న వయస్కురాలుగా చరిత్ర సృష్టించింది.
పేసర్ లుంగి ఎంగిడి.. 'వన్డే, టీ20 ప్లేయర్ ఆఫ్ ది ఇయర్'గా.. డేవిడ్ మిల్లర్ 'అభిమానుల ఫేవరెట్ ఆటగాడిగా' ఎంపికయ్యారు. ఫాస్ట్ బౌలర్ అన్రిక్ నార్ట్జె.. అంతర్జాతీయ 'మెన్స్ న్యూ కమర్ ఆఫ్ ది ఇయర్'గా పురస్కారం దక్కించుకున్నాడు.
ఇదీ చూడండి:పోలీసుల అదుపులో శ్రీలంక క్రికెటర్ మెండిస్
