టీమ్ఇండియాతో జరిగిన టీ20 సిరీస్ను 3-2 తేడాతో కోల్పోయింది ఇంగ్లాండ్ జట్టు. ఈ విషయమై స్పందించిన ఇంగ్లీష్ జట్టు మాజీ కెప్టెన్ వాన్.. బ్యాటింగ్ ఆర్డర్లో పలు మార్పులు చేయాలని సూచించాడు. టీ20ల్లో నెంబర్ వన్ బ్యాట్స్మన్గా ఉన్న డేవిడ్ మలన్ను ఓపెనర్గా దింపాలని సూచించాడు. ఈ ఏడాది చివర్లో టీ20 ప్రపంచకప్ ఉన్న దృష్ట్యా సాధ్యమైనంత త్వరగా పుంజుకోవాలని తెలిపాడు.
"ఆరు, ఏడో స్థానంలో ఓ కుడిచేతి వాటం బ్యాట్స్మన్ను దింపాలి. డేవిన్ మలన్ అద్భుత ఆటగాడు, మంచి ఫామ్లో ఉన్నాడు. అందుచేత అతడిని మూడో స్థానంలో కాకుండా ఓపెనర్గా పంపాలి. సామ్ బిల్లింగ్స్ను లోయర్ ఆర్డర్లో ఫినిషర్గా దించాలి. కుడిచేతి వాటం బ్యాట్స్మన్ అయిన బెయిర్ స్టోను మిడిలార్డర్లో పంపాలి. టీ20 ప్రపంచకప్ దగ్గర పడుతున్న తరుణంలో టెస్టు సారథి రూట్ను టీ20ల్లోకి తీసుకోవాలి."
ఇప్పటికే టెస్టు, టీ20 సిరీస్లు కోల్పోయిన ఇంగ్లాండ్ జట్టు వన్డే సిరీస్ కోసం సమాయత్తమవుతోంది. ఈ సిరీస్ మంగళవారం (మార్చి 23) నుంచి ప్రారంభంకానుంది. తొలి వన్డే పుణె వేదికగా జరగనుంది.
