గుజరాత్ మొతేరాలో పునర్నిర్మించిన ప్రపంచంలోనే అతిపెద్ద క్రికెట్ స్టేడియాన్ని రాష్ట్రపతి రామ్నాథ్ కోవింద్ బుధవారం ప్రారంభించారు. కేంద్ర హోంమంత్రి అమిత్ షా, కేంద్ర క్రీడా శాఖ మంత్రి కిరణ్ రిజిజు, గుజరాత్ ఉప ముఖ్యమంత్రి నితిన్ పటేల్ ఈ కార్యక్రమానికి హాజరయ్యారు.
ఈ సర్దార్ పటేల్ మొతేరా స్టేడియం పేరును.. నరేంద్ర మోదీ స్టేడియంగా మార్చారు.
దాదాపు 63 ఎకరాల విస్తీర్ణంలో.. లక్షా 32 వేల మంది ప్రేక్షకులు కూర్చొనే సామర్థ్యం కలిగిన ఈ స్టేడియంలో భారత్, ఇంగ్లాండ్ మధ్య మూడో టెస్టు ప్రారంభమైంది. మార్చి 4న జరిగే చివరి టెస్టు సహా ఐదు టీ20లు కూడా ఇదే మైదానంలో నిర్వహించనున్నారు.
మోదీ వల్లే- అందుకే..
'ప్రధాని నరేంద్ర మోదీ గుజరాత్ ముఖ్యమంత్రిగా ఉన్న సమయంలోనే దీన్ని నిర్మించాలని భావించారని.. అందుకే స్టేడియానికి నరేంద్ర మోదీ పేరు పెట్టాలని నిర్ణయించినట్లు' కోవింద్ చెప్పారు.
''ప్రధాన మంత్రి నరేంద్ర మోదీ.. గుజరాత్ ముఖ్యమంత్రిగా ఉన్న సమయంలోనే ఈ స్టేడియాన్ని నిర్మించాలని భావించారు. అప్పుడు.. గుజరాత్ క్రికెట్ సంఘానికి అధ్యక్షుడు కూడా మోదీనే. అందుకే ఆయన పేరు పెట్టాలని నిర్ణయించాం.''
- రామ్నాథ్ కోవింద్, రాష్ట్రపతి
భారత్ను క్రికెట్ హబ్గా పిలుస్తారని.. అలాంటి దేశంలో అతిపెద్ద స్టేడియం ఉండటం సముచితమని అభిప్రాయపడ్డారు కోవింద్. ఈ నరేంద్ర మోదీ స్టేడియం భారత దేశ ఆకాంక్షలను ప్రతిబింబిస్తుందని, సరికొత్త గుర్తింపును ఇస్తుందని పేర్కొన్నారు.
ఇదే స్టేడియం ప్రాంగణంలో ప్రపంచ స్థాయి క్రీడా సౌకర్యాలతో నిర్మించనున్న.. సర్దార్ వల్లభ్భాయ్ పటేల్ స్పోర్ట్స్ ఎన్క్లేవ్కు రాష్ట్రపతి భూమి పూజ చేశారు.
మోదీ డ్రీమ్ ప్రాజెక్ట్..
ఈ క్రికెట్ స్టేడియం మోదీ కలల ప్రాజెక్ట్ అని.. అందుకే ఆయన పేరు పెట్టాలని నిర్ణయించినట్లు కేంద్ర హోం మంత్రి అమిత్ షా స్పష్టం చేశారు.
నరేంద్ర మోదీ స్టేడియం.. ప్రపంచంలో అతిపెద్దదే కాకుండా ఉత్తమమైందని కిరణ్ రిజిజు అన్నారు. స్టేడియంలోని ప్రపంచస్థాయి సౌకర్యాలను ఆయన రాష్ట్రపతి, హోం మంత్రితో కలిసి పరిశీలించారు.
ఇదీ చూడండి: 'మొతేరాను చూసి గర్వపడుతున్నా'
ఒలింపిక్స్ కూడా సాధ్యమే..
త్వరలో ఇదే అహ్మదాబాద్లోని నరాన్పురాలో మరో ప్రతిష్టాత్మక ప్రాజెక్టును ప్రారంభించనున్నారు. వివిధ క్రీడా విభాగాలకు సంబంధించిన 20 స్టేడియాలను.. 215 ఎకరాల విస్తీర్ణంలో నిర్మించ తలపెట్టారు. అథ్లెట్లు, కోచ్లకు కూడా అత్యుత్తమ సదుపాయాలు అందించే ఉద్దేశంతో రూపొందించనున్నారు.
నరేంద్ర మోదీ స్టేడియం, సర్దార్ వల్లభ్భాయ్ పటేల్ స్పోర్ట్స్ ఎన్క్లేవ్, నరాన్పుర్ స్పోర్ట్స్ కాంప్లెక్స్లలో.. కామన్వెల్త్ గేమ్స్, ఆసియా క్రీడలు సహా ఒలింపిక్స్ కూడా నిర్వహించవచ్చని ఆశాభావం వ్యక్తం చేశారు షా.
'నరేంద్ర మోదీ స్టేడియం' ప్రత్యేకతలు ఇవే..
- మెల్బోర్న్ క్రికెట్ గ్రౌండ్(90 వేల సీటింగ్ సామర్థ్యం)ను అధిగమించి ప్రపంచంలోనే అతిపెద్ద క్రికెట్ స్టేడియంగా ఘనత.సువిశాల క్రీడా ప్రాంగణం
- 63 ఎకరాల విస్తీర్ణంలో రూ. 800 కోట్ల వ్యయంతో నిర్మించిన ఈ స్టేడియంలో లక్షా 32 వేల మంది కూర్చోవచ్చు.లక్షా 32 వేల మంది కూర్చొనేలా విశాల మైదానం
- ఈ స్టేడియం మొత్తం వైశాల్యం.. 32 ఒలింపిక్ సైజ్ సాకర్(ఫుట్బాల్) మైదానాలకు సమానం.
- అత్యుత్తమ డ్రైనేజీ వ్యవస్థ దీని సొంతం. వర్షం పడి ఆగిపోయిన 30 నిమిషాల్లోనే.. నీటిని బయటకు పంపించేయొచ్చు.
- షాడో-లెస్ కోసం తొలిసారి భారత్లో హై మాస్ట్ ఫ్లడ్లైట్లకు బదులు.. ఎల్ఈడీ లైట్లను ఉపయోగించారు.మైదానంలో ప్రత్యేకంగా నిలిచే ఎల్ఈడీ లైట్లు
ఎల్ఈడీ లైట్లు
- ఆటగాళ్ల కోసం నాలుగు డ్రెస్సింగ్ రూంలు ఉన్న ఏకైక స్టేడియం ఇదే కావడం మరో విశేషం. ఒకే రోజు వరుస మ్యాచ్లు నిర్వహించాల్సి వస్తే ఇది ఉపయోగపడనుంది.డ్రెస్సింగ్ రూంలు
- క్రికెట్ అకాడమీ, ఇండోర్ ప్రాక్టీస్ పిచ్లు, రెండు వేర్వేరు ప్రాక్టీస్ గ్రౌండ్లు ఉండటం ఈ స్టేడియం ప్రత్యేకతలు.ప్రపంచ స్థాయి క్రీడా సదుపాయాలు
- ఈ స్టేడియంలో 11 పిచ్(నలుపు, ఎర్రమట్టి)లను రూపొందించారు. ప్రపంచంలో ఇలాంటి స్టేడియం ఇదొక్కటే కావడం విశేషం.
పునర్నిర్మాణం కోసం 2015లో మూసేసిన ఈ స్టేడియం.. భారత క్రికెట్లో ఎన్నో మైలురాళ్లకు సాక్ష్యంగా నిలిచింది.
- భారత క్రికెట్ దిగ్గజం సునీల్ గావస్కర్.. టెస్టుల్లో 10 వేల పరుగుల మైలురాయిని చేరుకుంది ఈ మైదానంలోనే. 1987లో పాకిస్థాన్తో మ్యాచ్లో ఈ ఘనత సాధించాడు.సునీల్ గావస్కర్
- కపిల్ దేవ్.. 1994లో ప్రపంచంలోనే అత్యధిక టెస్టు వికెట్ల(432) వీరుడిగా నిలిచింది ఈ స్టేడియంలోనే. సర్ రిచర్డ్ హ్యాడ్లీని దాటి అప్పట్లో ఈ రికార్డు సొంతం చేసుకున్నాడు.
- మాస్టర్ బ్లాస్టర్ సచిన్ తెందుల్కర్ టెస్టుల్లో తన తొలి డబుల్ సెంచరీ (1999లో న్యూజిలాండ్పై) ఇక్కడే చేశాడు. అంతర్జాతీయ క్రికెట్లో 30 వేల పరుగుల మైలురాయిని చేరుకున్నది ఇదే స్టేడియంలో.
- 2011 ప్రపంచ కప్లో వన్డేల్లో 18 వేల పరుగుల సాధించిన తొలి క్రికెటర్గా ఘనత సాధించాడు సచిన్. ఈ మైదానంలోనే ఆస్ట్రేలియాతో మ్యాచ్లో ఈ రికార్డును తన ఖాతాలో వేసుకున్నాడు.
- 2008- భారత పర్యటనలో సౌతాఫ్రికా క్రికెటర్ ఏబీ డివిలియర్స్.. ఇండియాపై టెస్టుల్లో తొలి ద్విశతకాన్ని నమోదు చేశాడు.
ఇదీ చూడండి: గులాబీ బంతి.. ఎందుకింత స్పెషల్?
