ఐపీఎల్ నిమిత్తం గత వారం దుబాయ్ చేరుకున్న కింగ్స్ ఎలెవెన్ పంజాబ్, రాజస్థాన్ రాయల్స్ జట్ల సభ్యులు బుధవారం ఆరురోజుల క్వారంటైన్ పూర్తి చేసుకున్నారు. ఆటగాళ్లందరికీ మూడు సార్లు కొవిడ్ పరీక్షలు నిర్వహించగా.. అందరికీ నెెగెటివ్గా నిర్ధరణ అయ్యింది. ఈ క్రమంలోనే చాలా నెలల తర్వాత తిరిగి శిక్షణలో పాల్గొననున్నారు. దుబాయ్లో అధిక వేడి కారణంగా సాయంత్రం పూట ప్రాక్టీస్ మొదలుపెట్టనున్నారు.
ఈ ఆరురోజుల క్వారంటైన్ సమయంలో ఆటగాళ్లను వారి గదుల నుంచి బయటకు వెళ్లేందుకు కూడా అనుమతించలేదు.
ఈ ఏడాది రాజస్థాన్ రాయల్స్ ఫ్రాంచైజీకి మారిన డేవిడ్ మిల్లర్.. మంగళవారం దుబాయ్ చేరుకున్నాడు. క్వారంటైన్ పూర్తి చేసుకున్న తర్వాత జట్టుతో కలవనున్నాడు.
రాయల్ ఛాలెంజర్స్ బెంగళూరు, ముంబయి ఇండియన్స్, చెన్నై సూపర్ కింగ్స్ జట్లు గురువారానికి తమ క్వారంటైన్ పూర్తి చేసుకోనున్నాయి. బయో సెక్యూర్ వాతావరణంలో నిర్వహించే ఈ లీగ్.. సెప్టెంబరు 19న ప్రారంభం కానునుంది.
