ఈ వార్తపై మీరు నమ్మకం కుదరకపోవచ్చు. కానీ ఇది నిజం. టీమిండియా కెప్టెన్ కోహ్లీ, మాజీ ఓపెనర్ సెహ్వాగ్పై ఓ పిటిషన్ వేశారు. ఐసీసీ నిర్వహించే టోర్నీల్లో భారత జట్టుకు వారు శుభాకాంక్షలు చెబుతూ ట్వీట్స్ చేయొద్దని అందులో పేర్కొన్నారు.
ఇంతకీ పిటిషన్లో ఏముంది?
అభినవ్ ఠాకుర్ అనే ఓ వ్యక్తి.. 'ఛేంజ్.ఓఆర్జీ' అనే వెబ్సైట్లో పిటిషన్ కోసం పోల్ పెట్టాడు. ఐసీసీ ప్రధాన టోర్నీలు జరిగేటప్పుడు టీమిండియాకు.. కోహ్లీ, సెహ్వాగ్లు శుభాకాంక్షలు చెప్పకూడదంటూ అందులో పేర్కొన్నాడు. ఒకవేళ అలా చేయడం ఆపకపోతే, వారి సోషల్ మీడియా ఖాతాలను సస్పెండ్ చేయండని అందులో రాసుకొచ్చాడు.
ఆదివారం జరిగిన మహిళా టీ20 ప్రపంచకప్ సెమీస్లో భారత్ ఓడిన తర్వాత ఈ పిటిషన్ ప్రారంభమైంది. ప్రస్తుతం 600 మంది పైచిలుకు నెటిజన్లు.. ఈ పిటిషన్ కోసం సైన్ చేశారు. 1000 మందే లక్ష్యంగా సాగుతోంది ఇది.
ఇది చదవండి: 'మా జట్టుకు ధోనీ లాంటి ఫినిషర్ అవసరం'
