పాకిస్థాన్ వేదికగా జరగాల్సిన బంగ్లాదేశ్ టీ20, టెస్టు సిరీస్పై ఇప్పటికీ స్పష్టత రావట్లేదు. తమ దేశంలో రెండు మ్యాచ్ల టెస్టు సిరీస్ ఆడాలని బంగ్లాను కోరింది పాక్ క్రికెట్ బోర్డు. అందుకు బంగ్లా బోర్డు చెరో టెస్టుకు ఆతిథ్యం ఇస్తే బాగుంటుందని తెలిపింది. తాజాగా ఈ ప్రతిపాదనను పీసీబీ తిరస్కరించింది.
"మా దేశంలో రెండు టెస్టులు ఆడేందుకు ఆహ్వానిస్తే అందులో ఒకటి బంగ్లాదేశ్లో నిర్వహించాలనడం ఆశ్చర్యమేసింది. బంగ్లా ప్రతిపాదనను మేము తిరస్కరిస్తున్నాం" - పాక్ బోర్డు ప్రతినిధి
జనవరి 18 నుంచి మూడు మ్యాచ్ల టీ20 సిరీస్తో పాటు రెండు టెస్టులు ఆడాలని బంగ్లాదేశ్ను ఆహ్వానించింది పాక్. అయితే టీ20 సిరీస్కు అంగీకరించిన బంగ్లా.. టెస్టులకు మాత్రం విముఖత చూపింది. తాజా పరిణామంతో మొత్తం పర్యటనపై స్పష్టత కొరవడింది.
ఇదీ చదవండి: యువీని గుర్తుకుతెచ్చిన కార్టర్.. 6 బంతుల్లో 6 సిక్సర్లు
