త్వరలో ఇంగ్లాండ్ పర్యటనకు వెళ్లనున్న నేపథ్యంలో పాకిస్థాన్ క్రికెటర్లతో పాటు ఇతర సిబ్బందికి కరోనా పరీక్షలు చేయనున్నారు. కేవలం మూడు రోజుల్లోనే రెండుసార్లు టెస్టులు జరపనున్నారు. వచ్చే సోమవారం మొదటిది కాగా, బుధవారం మరోసారి పరీక్షించనున్నారు.
ఇందులో భాగంగా లాహోర్లో, క్రికెటర్లతో పాటు ఇతర సభ్యులకు పరీక్షలు జరుపుతారు. అయితే రెండోసారి చేసిన టెస్టుల్లో ఎవరికైనా కొవిడ్ పాజిటివ్గా తేలితే వారు పర్యటనకు వెళ్లడం వీలుపడదని పీసీబీ అధికారి ఒకరు చెప్పారు.
అందుకే ఇంగ్లాండ్ టూర్కు 29 మంది సభ్యులతో కూడిన బృందాన్ని ఎంపిక చేసింది పాక్ క్రికెట్ బోర్డు. దీనితో పాటే ఆటగాళ్లు తమ కుటుంబాలను తీసుకెళ్లేందుకు అనుమతించట్లేదని స్పష్టం చేసింది.
ఇవీ చదవండి:
