ఆస్ట్రేలియా పర్యటనలో గొప్పగా రాణించి అందరి ప్రశంసలు అందుకున్న హైదరాబాదీ పేసర్ మహ్మద్ సిరాజ్ ఇప్పుడు ఇంగ్లాండ్తో సిరీస్కూ ఉత్సాహంగా సన్నద్ధమవుతున్నాడు. బంతితో మెరుగైన ప్రదర్శనను కొనసాగిస్తాననే విశ్వాసాన్ని వ్యక్తం చేశాడు.
"దేశం తరఫున బాగా ఆడాలనుకుంటున్నా. ఆస్ట్రేలియాలో లాగే ఇంగ్లాండ్పైనా సిరీస్ గెలుపులో జట్టుకు సహాయపడాలనుకుంటున్నా. ఆస్ట్రేలియాతో సిరీస్ నాకో గొప్ప అవకాశం. ఇంగ్లాండ్ పైనా మెరుగైన ప్రదర్శన కొనసాగించగలనన్న నమ్మకం నాకుంది" అని చెప్పాడు.
"ఆస్ట్రేలియాతో సిరీస్లో పుజారా, రహానె, షమి, రోహిత్, కోచ్ రవిశాస్త్రిల నుంచి చాలా నేర్చుకున్నా. ఆ పరిజ్ఞానాన్ని ఇప్పుడు ఇంగ్లాండ్పై ఉపయోగించుకోవాలనుకుంటున్నా" అని సిరాజ్ అన్నాడు. ఆసీస్తో టెస్టు సిరీస్లో 13 వికెట్లతో భారత్ తరఫున అత్యధిక వికెట్లు పడగొట్టిన బౌలర్గా సిరాజ్ నిలిచిన విషయం తెలిసిందే.
ఇదీ చదవండి: పంతా?.. సాహానా?- భారత్ చూపు ఎవరి వైపు?
