వన్డేల్లో రీఎంట్రీ ఇస్తానని ఆశాభావం వ్యక్తం చేశాడు భారత క్రికెటర్ అజింక్యా రహానె. మూడు ఫార్మాట్లోనూ తన సత్తా నిరూపించుకోవడం కోసం మానసికంగా సన్నద్ధమవుతున్నట్లు తెలిపాడు.
"వన్డేల్లో ఓపెనింగ్ లేదా నెం.4 స్థానంలో ఆడటానికి సిద్ధంగా ఉన్నాను. ఈ ఫార్మాట్లోకి రీఎంట్రీ ఇస్తాననే పూర్తి విశ్వాసం ఉంది. కానీ అవకాశం ఎప్పుడు వస్తుందో తెలియదు. అన్ని ఫార్మాట్లలోనూ బాగా రాణించేందుకు మానసికంగా సిద్ధమవుతున్నాను. సానుకూల దృక్పథం, సామర్థ్యం మెరుగుపర్చుకోవడంతోనే మన గురించి మనకు తెలుస్తుంది"
-రహానె, భారత క్రికెటర్.
ప్రస్తుతం వన్డేల్లో నెం.4 స్థానంలో ముంబయి ఆటగాడు శ్రేయస్ అయ్యర్ ఆడుతున్నాడు. ఓపెనింగ్లో రోహిత్ శర్మ, శిఖర్ ధావన్ భాగస్వామ్యం, మూడో స్థానంలో కోహ్లీ ఉన్నారు.
మొత్తంగా కెరీర్లో 65 టెస్టులు ఆడాడు రహానె. అయితే వన్డేల్లో ప్రస్తుతం చోటే లేకపోగా.. దాదాపు నాలుగేళ్ల నుంచి టీ20 జట్టుకు దూరంగా ఉన్నాడు.
ఇది చూడండి : "ధోనీ నమ్మితే జట్టులో చోటు దక్కినట్లే"
