టీమ్ఇండియా మాజీ క్రికెటర్ సురేశ్ రైనా, అతడు 'పాజీ' అని అభిమానంగా పిలిచే దిగ్గజ సచిన్ తెందుల్కర్కు మధ్య మంచి సాన్నిహిత్యం ఉంది. సందర్భానుసారం మాస్టర్పై తన ప్రేమను చాటిచెప్పే రైనా.. ఇటీవల ఓ ఆసక్తికర విషయాన్ని పంచుకున్నాడు. 100వ సెంచరీ చేసిన తర్వాత సచిన్ తనతో చెప్పిన మాటలను ఓ క్రీడా మ్యాగజైన్కు తెలిపాడు.
"పాజీ 100వ శతకం సాధించేటప్పుడు మరో ఎండ్లో నేను ఉన్నా. సింగిల్ తీసి సచిన్ సెంచరీ చేసిన తర్వాత ఆయనకు శుభాకాంక్షలు తెలిపాను. ఈ శతకం చాలా కాలంగా బాకీ ఉందని అన్నాను. అప్పుడు ఆయన.. 'ఈ క్షణం కోసం ఎదురుచూస్తూ నా జుట్టు నెరసిపోయింది' అని నాతో చెప్పారు"
- సురేశ్ రైనా, భారత మాజీ క్రికెటర్
ఆ క్షణంలో సచిన్ ఎంత మానసిక భారాన్ని మోస్తున్నారో అర్థమైందని రైనా అన్నాడు. మాస్టర్తో ఉన్న తీపి జ్ఞాపకాలను ఈ సందర్భంగా గుర్తు చేసుకున్నాడు.
"భారత్ కోసం ఆడటం ప్రారంభించాక పాజీతో నాకు చాలా మధుర జ్ఞాపకాలు ఉన్నాయి. అందులో 2011 ప్రపంచకప్ సహా ఆస్ట్రేలియాలో (2008) సీబీ సిరీస్, న్యూజిలాండ్ పర్యటన(2008-09), టెస్టుల్లో నెం.1గా జట్టుగా నిలవడం ఎన్నటికీ మరచిపోను"
- సురేశ్ రైనా, భారత మాజీ క్రికెటర్
2014 ఇంగ్లాండ్ పర్యటనకు ముందు తనను సచిన్ ఎంతగా ప్రభావితం చేశారో రైనా వెల్లడించాడు. రెండు వారాల పాటు మాస్టర్ ఆధ్వర్యంలో తీసుకున్న శిక్షణ, తనలో ఎంతో ఉత్సాహం నింపిందని చెప్పాడు. "నిన్ను నువ్వు నమ్మాలి. అప్పుడే అద్భుతాలు సాధిస్తావు" అని సచిన్ మాటలతో స్ఫూర్తి పొందిన రైనా.. తన చేతిపై 'బిలీవ్' టాటూ కూడా వేయించుకున్నాడు.
ఇదీ చూడండి: సచిన్ వల్లే ఆ పచ్చబొట్టు వేసుకున్నా: రైనా
