కరోనా ప్రభావంతో మార్చి నుంచి దేశవాళీ టోర్నీలను నిర్వహించని బీసీసీఐ.. వచ్చే జనవరి 10 నుంచి 31 వరకు ముస్తాక్ అలీ ట్రోఫీ జరపనున్నట్లు తెలిపింది. ఇందుకోసం ఆరు రాష్ట్రాల్లో బయో బబుల్ ఏర్పాటు చేస్తున్నట్లు వెల్లడించింది. జనవరి 2 కల్లా టోర్నీలో పాల్గొనే జట్లు సంబంధిత హబ్లకు చేరుకుంటాయని చెప్పింది. రంజీల నిర్వహణపై ఇంకా స్పష్టతనివ్వలేదు.
"వివిధ రాష్ట్రాల క్రికెట్ బోర్డుల అభిప్రాయల ప్రకారం బీసీసీఐ తుది నిర్ణయానికి వచ్చింది. 2020-21 దేశవాళీ సీజన్లో భాగంగా ముస్తాక్ అలీ టీ20 టోర్నీ జరిపేందుకు సిద్ధమైంది. ఈ టోర్నీ అనంతంరం విజయ్ హజారే, రంజీలపై నిర్ణయం తీసుకుంటాం"
-జై షా, బీసీసీఐ సెక్రటరీ
వచ్చే ఐపీఎల్లో దాదాపు 10 టీమ్లు ఉంటాయని భావిస్తోన్న బీసీసీఐ.. ఈ ముస్తాక్ అలీ టోర్నీకి సిద్ధమైనట్లు తెలుస్తోంది. దీని తర్వాత రంజీ ట్రోఫీ నిర్వహణకే అవకాశాలు ఎక్కువగా ఉన్నట్లు కనిపిస్తున్నాయి.
ఇదీ చదవండి: వార్మప్ మ్యాచ్ డ్రా.. తొలి టెస్టుకు కోహ్లీసేన సిద్ధం!
