కరోనా వైరస్ ఎవరినీ విడిచిపెట్టడం లేదు. సినీ తారలు, ఆటగాళ్లు, రాజకీయ ప్రముఖులు.. ఇలా అందర్నీ ముప్పతిప్పలు పెడుతోంది. తాజాగా బంగ్లాదేశ్ క్రికెట్ జట్టు మాజీ కెప్టెన్ ముషారఫే మోర్తజాకు కరోనా సోకింది. ఈ విషయాన్ని బంగ్లాదేశ్కు చెందిన ఓ వార్తాపత్రిక స్పష్టం చేసింది.
"గురువారం రాత్రి జ్వరం వచ్చిందని ముషారఫే మోర్తజా వైద్యులను సంప్రదించాడు. శుక్రవారం నాడు అతని రక్త నమూనాలు పరీక్షించగా.. కరోనా వైరస్ పాజిటివ్ వచ్చింది. మోర్తజా ప్రస్తుతం ఇంటికే పరిమితమై చికిత్స చేయించుకుంటున్నాడు. అతని కుటుంబసభ్యులు ప్రస్తుతం క్షేమంగా ఉన్నారు" అని ఆ నివేదిక వెల్లడించింది.
ముషారఫే మోర్తజాఈ ఏడాది ఫిబ్రవరిలో బంగ్లాదేశ్ కెప్టెన్ పదవి నుంచి వైదొలిగాడు మోర్తజా. ఈ క్రమంలో అతను క్రికెట్కు రిటైర్మెంట్ ప్రకటిస్తాడనే వార్తలు ప్రచారం అయ్యాయి. కానీ అలాంటిదేం జరగలేదు. అంతర్జాతీయ క్రికెట్లో బంగ్లాదేశ్ జట్టుకు ప్రాతినిధ్యం వహించిన ముషారఫే మోర్తజా.. 220 వన్డేల్లో 270 వికెట్లు, 36 టెస్టుల్లో 78 వికెట్లు, 54 టీ20ల్లో 42 వికెట్లను సాధించాడు.
ఇప్పటికే ఓ క్రికెటర్కు కరోనా
బంగ్లాదేశ్ కెప్టెన్ తమీమ్ ఇక్బాల్ సోదరుడు, మాజీ క్రికెటర్ నఫీజ్కు కరోనా పాజిటివ్ వచ్చింది. ప్రస్తుతం ఇతడు చిట్టగాంగ్లోని తన ఇంట్లో స్వీయ నిర్బంధంలో ఉన్నాడని.. ఆ దేశానికి చెందిన ఓ వార్తాపత్రిక రాసుకొచ్చింది.
ఇదీ చూడండి... గిన్నీస్ రికార్డుల్లో బాలకృష్ణ పుట్టినరోజు వేడుకలు
