టీ20 ర్యాంకింగ్స్​: టాప్​-1లో ఇంగ్లాండ్​ క్రికెటర్​ మలన్​

ఆస్ట్రేలియాతో జరిగిన టీ20 సిరీస్​లో అద్భుతమైన ప్రదర్శన చేసిన ఇంగ్లాండ్​ క్రికెటర్​ డేవిడ్​ మలన్​.. ఐసీసీ టీ20 ర్యాంకింగ్స్​లో అగ్రస్థానం కైవసం చేసుకున్నాడు. ఈ క్రమంలో పాకిస్థాన్​కు చెందిన బాబర్​ అజామ్​ను రెండో స్థానానికి నెట్టాడు.

ఇంగ్లాండ్​ క్రికెటర్​ డేవిడ్​ మలన్​ అరుదైన ఘనత సాధించాడు. ఐసీసీ తాజా టీ20 ర్యాంకింగ్స్​లో.. తొలి స్థానాన్ని కైవసం చేసుకున్నాడు. ఆస్ట్రేలియాతో జరిగిన మూడు మ్యాచ్​ల టీ20​ సిరీస్​లో మలన్​ మొత్తం 129 పరుగులు చేశాడు. తొలి మ్యాచ్​లో 66 పరుగులతో 'మ్యాన్​ ఆఫ్​ ద మ్యాచ్' అందుకున్నాడు. ఈ సిరీస్​లో అద్భుతంగా రాణించిన ఇంగ్లాండ్​ జట్టు 2-1 తేడాతో ట్రోఫీ గెల్చుకుంది.

• 🎉 Dawid Malan rises to No.1 🎉
  
  The England batsman, who topped the run-scoring charts in the #ENGvAUS series, has jumped four places on the @MRFWorldwide ICC Men's T20I Rankings 🔥 pic.twitter.com/rLvECHFigb

  — ICC (@ICC) September 9, 2020 " class="align-text-top noRightClick twitterSection" data="

  🎉 Dawid Malan rises to No.1 🎉
  
  The England batsman, who topped the run-scoring charts in the #ENGvAUS series, has jumped four places on the @MRFWorldwide ICC Men's T20I Rankings 🔥 pic.twitter.com/rLvECHFigb

  — ICC (@ICC) September 9, 2020

  ">

  🎉 Dawid Malan rises to No.1 🎉
  
  The England batsman, who topped the run-scoring charts in the #ENGvAUS series, has jumped four places on the @MRFWorldwide ICC Men's T20I Rankings 🔥 pic.twitter.com/rLvECHFigb

  — ICC (@ICC) September 9, 2020

ఇప్పటివరకు టాప్​-1లో ఉన్న పాకిస్థాన్​ ఆటగాడు బాబర్​ అజామ్​.. రెండో స్థానానికి పడిపోయాడు.

గతేడాది నవంబరులో రెండవ స్థానంలో ఉన్న మలన్​.. ప్రస్తుతం అజామ్​ కంటే ఎనిమిది పాయింట్లతో ముందున్నాడు. మలన్​ ఇప్పటి 16 టీ20ల్లో ఆడగా.. ఒక సెంచరీ, ఏడు అర్ధ సెంచరీలతో సహా 682 పరుగులు చేశాడు.

తొమ్మిదో స్థానంలో విరాట్​

మరోవైపు కొవిడ్​ కారణంగా ఆరు నెలలుగా అంతర్జాతీయ క్రికెట్​ను దూరంగా ఉన్న టీమ్​ఇండియా స్టార్​ క్రికెటర్​ కేఎల్​ రాహుల్​.. నాలుగో స్థానానికి పడిపోయాడు. పరుగుల రారాజు విరాట్​ కోహ్లీ... తొమ్మిదో స్థానంతో సరిపెట్టుకోవాల్సి వచ్చింది. ఆసీస్​ కెప్టెన్​ ఆరోన్​ ఫించ్​ మూడో స్థానంలో ఉన్నాడు.

మరోవైపు ఆల్​రౌండర్లలో అఫ్గానిస్థాన్​కు చెందిన మహమ్మద్​​ నబీ తొలి స్థానాన్ని కైవసం చేసుకోగా.. ఆస్ట్రేలియా క్రికెటర్​ గ్లెన్​ మ్యాక్స్​వెల్​, జింబాబ్వే ప్లేయర్​ సీన్​ విలియమ్స్​ రెండు, మూడు స్థానాల్లో నిలిచారు.

బౌలింగ్​ జాబితాలో..

ఇంగ్లాండ్​ స్పిన్నర్​ అదిల్​ రషీద్​.. రెండు ర్యాంక్​లు మెరుగుపర్చుకొని ఏడో స్థానానికి చేరాడు. ఆస్ట్రేలియా స్పిన్నర్ ఆస్టన్​ అగర్​ మూడో స్థానంలో ఉండగా.. టాప్​ రెండు స్థానాల్లో వరుసగా రషీద్ ఖాన్​, ముజీబుర్​ రెహమాన్​ ఉన్నారు. ఆస్టేలియా పేసర్​ కేన్​ రిచర్డ్​సన్​ తొలిసారి టాప్​-10లో చోటు దక్కించుకున్నాడు.

ఆసీస్​ నంబర్​ వన్​..

టీ20 ఫార్మాట్​లో ఆసీస్​ జట్టు 275 పాయింట్లతో నంబర్​ వన్​ స్థానంలో నిలిచింది. ఇంగ్లాండ్​(271), భారత్​((266) పాయింట్లతో తర్వాత స్థానాలు దక్కించుకున్నాయి.