మాజీ సౌరాష్ట్ర సారథి సీతాన్షు కోటక్, మాజీ టీమిండియా పేసర్ పరాస్ మాంబ్రేలు.. యువ క్రీడాకారులను తీర్చిదిద్దే బాధ్యతను తలకెత్తుకున్నారు. భారత్-ఏ, అండర్-19 జట్లకు వీరిద్దరినీ కోచ్లుగా నియమించింది భారత క్రికెట్ కంట్రోల్ బోర్డు(బీసీసీఐ). 2015 నుంచి సుమారు నాలుగేళ్ల పాటు ఈ రెండు జట్లకు ప్రధాన కోచ్గా పని చేసిన ద్రవిడ్.. జాతీయ క్రికెట్ అకాడమీ(ఎన్సీఏ) అధ్యక్షుడిగా ఇటీవలే బాధ్యతలు స్వీకరించాడు. ప్రస్తుతం ఆ స్థానాలు ఖాళీ అవ్వడం వల్ల ఇద్దరు కోచ్‌లతో వాటిని భర్తీ చేసింది బీసీసీఐ. అయితే ఎన్సీఏలోనే ఉండే ద్రవిడ్.. అవసరం బట్టి రెండు జట్ల పర్యవేక్షణ చూసుకోవచ్చు.
"కోచ్ నియామకాలపై సాధారణంగా ఎటువంటి ప్రకటనలు ఉండవు. ఎన్సీఏ ఉద్యోగుల అంతర్గత బదిలీల్లో భాగంగానే వారిని మార్చాం".
- బీసీసీఐ ప్రతినిధి
భారత్-ఏ, అండర్-19 జట్లకు రాహుల్ ద్రవిడ్తో కలిసి పని చేశాడు పరాస్ మాంబ్రే. 130 ఫస్ట్‌క్లాస్ మ్యాచ్‌లు ఆడిన అనుభవం కోటక్ సొంతం. అయితే వీరిద్దరూ కేవలం రెండు నెలలు మాత్రమే కోచ్లుగా కొనసాగనున్నారని బీసీసీఐ తెలిపింది.
మళ్లీ పవార్కే పగ్గాలు
ప్రస్తుతం భారత్ ఏ జట్టుకు బౌలింగ్ కోచ్గా ఉన్న మాంబ్రే స్థానంలో స్పిన్నర్ రమేశ్ పొవార్ బాధ్యతలు స్వీకరించనున్నాడు. మహిళల టీ20 ప్రపంచ కప్ సమయంలో మిథాలీరాజ్తో గొడవ కారణంగా మహిళా జట్టు కోచ్ పదవి నుంచి పొవార్ను తప్పించారు.
ఇదీ చూడండి...వైరల్: పీటీ ఉష టెన్నిస్‌ అడుతుందటా!
