టీమ్ఇండియా కెప్టెన్ కోహ్లీ.. ఆస్ట్రేలియాతో తొలి టెస్టులో మొదటి రోజు అదరగొట్టాడు. అర్ధసెంచరీతో(74 పరుగులు) పాటు సరికొత్త గణాంకాలు నమోదు చేశాడు. ఈ క్రమంలోనే 51 ఏళ్ల క్రితం నెలకొల్పిన ఓ రికార్డును అధిగమించాడు.
ఆస్ట్రేలియాలో ఎక్కువ పరుగులు చేసిన భారత కెప్టెన్గా కోహ్లీ అగ్రస్థానంలో నిలిచాడు. 1964-1969 మధ్య అప్పటి కెప్టెన్ మన్సూర్ అలీ ఖాన్ పటౌడీ.. 20 ఇన్నింగ్స్ల్లో 829 పరుగులు చేశారు. ప్రస్తుత సారథి కోహ్లీ 17 ఇన్నింగ్స్ల్లోనే ఆ మార్క్ను దాటేశాడు.
ఆస్ట్రేలియాలో ఆ జట్టుపై అత్యధిక పరుగులు చేసిన ఆసియా క్రికెటర్గా కోహ్లీ నిలిచాడు. ఇంతకు ముందు సచిన్ 2549 పరుగులతో ఉండగా, దానిని విరాట్.. ప్రస్తుత మ్యాచ్తో అధిగమించాడు. అయితే సచిన్కు 63 ఇన్నింగ్స్లు పట్టగా, కోహ్లీ కేవలం 53 ఇన్నింగ్స్ల్లో ఆ మార్క్ను అందుకోవడం విశేషం.
