అంతర్జాతీయ క్రికెట్ మండలి తాజా వన్డే ర్యాంకింగ్స్ను బుధవారం విడుదల చేసింది. టీమ్ఇండియా స్టార్ బ్యాట్స్మెన్ కోహ్లీ(871), రోహిత్ శర్మ(855) తొలి రెండు స్థానాల్లోనే కొనసాగుతున్నారు. జింబాబ్వే పర్యటనలో ఆకట్టుకున్న పాక్ కెప్టెన్ బాబార్ ఆజమ్.. 8 పాయింట్లు సాధించినప్పటికీ మూడో స్థానంలోనే ఉన్నాడు.
ఇదే సిరీస్లో మెప్పించిన పాక్ ఆల్రౌండర్ ఇమాద్ వసీమ్.. మూడు స్థానాలు ఎగబాకి 49వ ర్యాంక్కు వచ్చాడు. జింబాబ్వే బ్యాట్స్మెన్లో బ్రెండన్ టేలర్, సీన్ విలియమ్స్.. వరుసగా 42, 46వ స్థానాల్లోకి వచ్చారు.
బౌలింగ్ విభాగంలో న్యూజిలాండ్ ఆటగాడు బౌల్ట్(722), బుమ్రా(719) తొలి రెండు స్థానాల్లో కొనసాగుతున్నారు. జింబాబ్వే సిరీస్లో అదరగొట్టిన పాక్ బౌలర్ షహీన్ అఫ్రిది.. కెరీర్లోనే అత్యుత్తమంగా 16వ స్థానానికి చేరుకున్నాడు.
ఇవీ చదవండి:
