భారత్తో తొలి వన్డేకు ముందు ఆస్ట్రేలియా కెప్టెన్ ఫించ్ ఆసక్తికర వ్యాఖ్యలు చేశాడు. టీమ్ఇండియా సారథి కోహ్లీ, వన్డే అత్యుత్తమ ప్లేయర్ అని ప్రశంసించాడు. అతడిని వీలైనంత త్వరగా ఔట్ చేసేందుకు తాము ప్రణాళికలు వేస్తున్నామని తెలిపాడు. ఇటీవలే జరిగిన ఐపీఎల్లో కోహ్లీ సారథ్యంలోని బెంగళూరు జట్టులో ఫించ్ ఆడటం విశేషం.
రికార్డులకు అడుగు దూరంలో కోహ్లీ
ప్రస్తుతం వన్డేల్లో 11,867 పరుగులతో ఉన్న కోహ్లీ.. మరో 133 పరుగులు చేస్తే 12 వేల క్లబ్లో చేరతాడు. మూడు వన్డేలు జరగనున్న నేపథ్యంలో విరాట్ ఈ ఘనతను చేరుకోవడం పెద్ద కష్టమేమి కాకపోవచ్చు. అలానే రోహిత్ శర్మ పరిమిత ఓవర్ల సిరీస్కు అందుబాటులో లేకపోవడం వల్ల దృష్టంతా కోహ్లీపైనే ఉంటుందనడంలో ఎలాంటి సందేహం లేదు.
అలానే అన్ని ఫార్మాట్లు కలిపి 70 సెంచరీలతో ఉన్న కోహ్లీ.. మరో రెండు శతకాలు చేస్తే ఆసీస్ దిగ్గజ బ్యాట్స్మన్ పాంటింగ్(70)ను అధిగమిస్తాడు. దీంతో క్రికెట్లో ఎక్కువ సెంచరీలు చేసిన వారిలో సచిన్(100) తర్వాతి స్థానంలో విరాట్ నిలుస్తాడు.
ఈ పర్యటనలో భాగంగా భారత్- ఆస్ట్రేలియా మధ్య మూడు వన్డేలు, మూడు టీ20లు, నాలుగు టెస్టులు జరగనున్నాయి.
