శనివారం బంగ్లాదేశ్తో టెస్టు మ్యాచ్ సందర్భంగా.. స్టేడియంలో పరుగెత్తుకొచ్చిన అభిమానిని పలకరించిన విరాట్.. మరోసారి తన ఆత్మీయతను చాటుకున్నాడు. జట్టుతో కలిసి మ్యాచ్ తర్వాత హోటెల్కు బయలుదేరిన కోహ్లీ.. స్టేడియం బయట తన కోసం ఎదురుచూస్తున్న దివ్యాంగురాలైన అభిమానితో ముచ్చటించాడు.
కోహ్లీ కోసం ఇండోర్ స్టేడియం బయట చాలా సేపటి నుంచి ఎదురు చూస్తున్న 'పూజా శర్మ' అనే అభిమానిని పలకరించి ఆటోగ్రాఫ్ ఇచ్చాడు. విరాట్ ఆటను ఎంతో ఇష్టపడే ఆమె మొదటి సారి మ్యాచ్ను ప్రత్యక్షంగా తిలకించింది.
ఇండోర్ వేదికగా బంగ్లాదేశ్తో జరిగిన ఈ మ్యాచ్లో భారత్ ఇన్నింగ్స్ 130 పరుగుల తేడాతో గెలిచింది. టీమిండియా ఓపెనర్ మయాంక్ అగర్వాల్(243) డబుల్ సెంచరీతో చెలరేగగా.. మహ్మద్ షమీ రెండు ఇన్నింగ్స్ల్లో కలిపి ఏడు వికెట్లు తీసి జట్టు విజయంలో కీలకపాత్ర పోషించాడు.
ఇదీ చదవండి: వీరాభిమానికి హగ్ ఇచ్చిన కోహ్లీ..!
