టీమ్ఇండియా సారథి విరాట్ కోహ్లీకి చెందిన 'ఆడీ' లగ్జరీ కారు.. మహారాష్ట్రలోని ఓ పోలీస్ స్టేషన్లో చాలా కాలంగా దుమ్ముపట్టుకుపోయి శిథిలావస్థలో ఉంది. ఓ స్కామ్ కేసులో భాగంగా అధికారులు ఆ వాహనాన్ని సీజ్ చేసి అక్కడ ఉంచారు. అదేంటి కోహ్లీ కారు.. కేసులో ఇరుక్కుపోవడమేంటి? ఎలా, ఎప్పుడు జరిగింది అని ఆలోచిస్తున్నారా?
ఇదీ అసలు కథ
కోహ్లీ గ్యారేజ్లో ఎన్నో లగ్జరీ కార్లు ఉంటాయి. అందులో 'ఆడీ ఆర్ 8' మోడల్(2012) ఒకటి. అయితే కొన్నాళ్లు ఉపయోగించిన తర్వాత దాన్ని సాగర్ అనే బ్రోకర్కు అమ్మేశాడు విరాట్. దాన్ని రూ.2.5కోట్లకు కొనుగోలు చేసిన సదరు బ్రోకరు రెండు నెలలలోనే ఓ స్కామ్ కేసులో ఇరుక్కున్నాడు. ఇందులో భాగంగా పోలీసులు అతడి ఆస్తిని, కారును సీజ్ చేశారు. అలా ఆ వాహనం అప్పటి నుంచి పోలీస్ స్టేషన్లోనే పడి ఉంది.
ఇదీ చూడండి : 'విరుష్క' వివాహ బంధానికి మూడేళ్లు.. జంట భావోద్వేగం
