ఏప్రిల్ 9 నుంచి ఐపీఎల్ 14వ సీజన్ మ్యాచ్లు ప్రారంభం కానున్నాయి. ఇందులో రాయల్ ఛాలెంజర్స్ కెప్టెన్ విరాట్ కోహ్లీ, చెన్నై సూపర్ కింగ్స్ సారథి ధోనీ సరికొత్త మైలురాళ్లను దాటనున్నారు.
- ఈ సీజన్తో ఆర్సీబీ కెప్టెన్ విరాట్ కోహ్లీ.. 200 ఐపీఎల్ మ్యాచ్లు ఆడి రోహిత్, ధోనీ సరసన చేరనున్నాడు. ఇప్పటివరకు రోహిత్ 200 ఐపీఎల్ మ్యాచ్లు ఆడగా.. ధోనీ 204 మ్యాచ్లు ఆడాడు. 200 మ్యాచ్లకు కోహ్లీ 8 మ్యాచ్ల దూరంలో ఉన్నాడు.
- ఐపీల్లో ఇప్పటివరకు నాలుగు సెంచరీలు చేసిన కోహ్లీ.. అత్యధిక సెంచరీలు చేసిన క్రిస్ గేల్ రికార్డును చేరుకునే వీలుంది. గేల్ ఇప్పటివరకు ఆరు సెంచరీలు చేశాడు. కోహ్లీ ఈ సీజన్లో రెండు సెంచరీలు చేస్తే గేల్ను సమం చేస్తాడు.
- స్టైక్ రేట్ను పెంచుకునే అవకాశం కూడా కోహ్లీకి ఉంది. ఇప్పటివరకు 2016లో అత్యధికంగా 152.03 స్టైక్ రేట్ను నమోదు చేశాడు కోహ్లీ. ఆ తర్వాత నుంచి అతని స్టైక్ రేట్ తగ్గి.. ఇటీవల మళ్లీ పెరుగుతోంది.
చెన్నై సూపర్ కింగ్స్ సారథి ఎమ్ ఎస్ ధోనీ.. ప్రస్తుత ఐపీఎల్తో మూడు మైలురాళ్లను దాటనున్నాడు.
- ఐపీఎల్లో అత్యధిక స్కోర్ చేసిన ఆటగాళ్ల జాబితాలో ఎనిమిదో స్థానంలో ఉన్న ధోనీ.. మరో 368 పరుగులు చేస్తే 5,000 పరుగుల మార్క్ను అందుకోగలడు. విరాట్ కోహ్లీ 5,878, సురేష్ రైనా 5,368, వార్నర్ 5,254లు మాత్రమే ఈ మార్క్ను అధిగమించారు.
- ఐపీఎల్లో ధోనీ ఇప్పటి వరకు 215 సిక్స్లు బాదాడు. ఈ సీజన్లో రాణిస్తే సిక్స్ల సంఖ్యను 250 సిక్సర్ల మార్కును అందుకోగలడు.
- వికెట్ కీపర్గా ఇప్పటివరకు 148 మందిని పెవిలియన్ బాట పట్టించాడు ధోనీ. మరో ఇద్దరు బ్యాట్స్మెన్ను ఔట్ చేస్తే 150 మార్క్ను అందుకుంటాడు.
ఇదీ చదవండి: 'జట్టులో అతనొక్కడికే.. మిగతావారికి నెగటివ్'
