వెస్టిండీస్ క్రికెట్ దిగ్గజం, మాజీ సారథి బ్రియాన్ లారా.. తన ఫేవరేట్ క్రికెటర్ల జాబితాను ప్రకటించాడు. ఇందులో కోహ్లీ(టీమ్ఇండియా), కేన్ విలియమ్సన్(న్యూజిలాండ్), జో రూట్(ఇంగ్లాండ్), ఏబీ డివిలియర్స్(దక్షిణాఫ్రికా), స్టీవ్ స్మిత్(ఆస్ట్రేలియా).. ఈ ఐదుగురుని అత్యుత్తమ బ్యాట్స్మెన్గా కితాబిచ్చాడు. బుమ్రా(టీమ్ఇండియా), జోఫ్రా ఆర్చర్, జేమ్స్ అండర్సన్(ఇంగ్లాండ్), కగిసొ రబాడా(దక్షిణాఫ్రికా), స్పిన్నర్ రషీద్ ఖాన్(అఫ్గానిస్థాన్)ను అత్యుత్తమ బౌలర్లని పొగిడాడు.
ఎదుర్కొన్న అత్యుత్తమ ఆటగాళ్లు
సచిన్ తెందుల్కర్, రికీ పాంటింగ్, జాక్వెస్ కలిస్, కుమార సంగక్కర, రాహుల్ ద్రవిడ్ తాను ఎదుర్కొన్న అత్యుత్తమ ఐదుగురు బ్యాట్స్మెన్ అని తెలిపాడు లారా. వసీమ్ అక్రమ్, షేన్ వార్న్, వకార్ యూనిస్, ముత్తయ్య మురళీధరన్, గ్లెన్ మెక్ గ్రాత్ బౌలర్లని చెప్పాడు.
వెస్టిండీస్లో
వెస్టిండీస్లో జార్జ్ హెడ్లే, ఎవర్టెన్ వీక్స్, గ్యారీ సోబర్స్, వీవీ రిచర్డ్స్, మాల్కమ్ మార్షల్ తన ఆల్టైం ఫేవరేట్ ఆటగాళ్లని చెప్పాడు లారా. కౌంటీ వాల్ష్, ఆంబ్రోస్, చందర్ పాల్, కార్ల్ హూపర్, క్రిస్ గేల్ తన కాలంలో అత్యుత్తమ ఆటగాళ్లని తెలిపాడు.
ఇదీ చూడండి : అప్పుడు సచిన్కు లారా-గేల్ ప్రత్యేక బహుమతి
