దక్షిణాఫ్రికాతో టెస్టు సిరీస్కు ముందు టీమిండియా పేసర్ జస్ప్రీత్ బుమ్రా గాయం బారినపడ్డాడు. తాజాగా ఈ విషయంపై బీసీసీఐ ఓ ప్రకటనను విడుదల చేసింది. బుమ్రాకు నిపుణుల పర్యవేక్షణలో చికిత్స అందించేందుకు యూకే పంపుతున్నట్లు సీనియర్ అధికారి ఒకరు తెలిపారు.
"అవును.. జస్ప్రీత్ బుమ్రా చికిత్స కోసం ఈ నెల మొదటి వారంలో లండన్ వెళ్లనున్నాడు. అతని వెంట ఎన్సీఏ హెడ్‌ ఫిజియోథెరపిస్ట్‌ ఆశిస్‌ కౌశిక్‌ ఉంటాడు. బుమ్రాను ముగ్గురు నిపుణులతో కూడిన బృందం వేర్వేరుగా పర‍్యవేక్షిస్తుంది".
-బీసీసీఐ సీనియర్ అధికారి
గాయం కారణంగా దక్షిణాఫ్రికాతో జరుగుతోన్న టెస్టు సిరీస్ నుంచి బుమ్రా వైదొలిగాడు. అతడి స్థానంలో ఉమేష్ యాదవ్ జట్టులోకి వచ్చాడు. బంగ్లాదేశ్‌తో తదుపరి సిరీస్‌కూ ఈ స్పీడ్స్టర్ అందుబాటులో ఉండకపోవచ్చని సమాచారం.
ఇవీ చూడండి.. కోహ్లీని అధిగమించిన పాక్ క్రికెటర్
