ఓల్డ్ట్రాఫోర్డ్ వేదికగా వెస్టిండీస్తో జరిగిన టెస్టు సిరీస్లో.. ఇంగ్లాండ్ 2-1 తేడాతో ట్రోఫీ సొంతం చేసుకుంది. ఫలితంగా చివరిసారి విజ్డెన్ ట్రోఫీని కైవసం చేసుకుంది ఇంగ్లీష్ జట్టు. ఈ సందర్భంగా వెస్టిండీస్ కెప్టెన్ జేసన్ హోల్డర్.. ఇంగ్లాండ్ జట్టుకు శుభాకాంక్షలు తెలిపాడు.
నిర్ణయాత్మక మూడో టెస్టు చివరి రోజు 500 వికెట్ల మార్కును చేరుకున్నందుకు స్టువర్ట్ బ్రాడ్నూ అభినందనించాడు. ఈ క్రమంలోనే ఇంగ్లాండ్ చేతిలో ఓటమి గురించి మాట్లాడుతూ.. పలు విషయాలు పంచుకున్నాడు హోల్డర్.
"నా జట్టుతో నేనెప్పుడూ నిరాశచెందలేదు. కాకపోతే మ్యాచ్లో వచ్చిన ఫలితాలే కాస్త బాధనిపిస్తాయి. అవును.. నిజంగా ఇంగ్లాండ్ చాలా బాగా ఆడింది. ఇక్కడికి వచ్చిన ఏ జట్టు కూడా ఇంగ్లాండ్ను ఓడించలేదు. అందుకే, ఇలా డిబేట్లో అటాక్ చేస్తన్నా(నవ్వుతూ). కానీ, ఈ మ్యాచ్లో ఇంగ్లాండ్కు క్రెడిట్ ఇస్తా. వాళ్లంతా అద్భుతంగా ఆడారు.
హోల్డర్, వెస్టిండీస్ కెప్టెన్
మరోవైపు తమ జట్టు ఆటతీరుతో పాటు, స్వదేశానికి దూరంగా ఆటటం వల్ల ఎదుర్కొన్న ఇబ్బందులపై స్పందించాడు హోల్డర్. "మేము రెండు నెలలుగా ఇండోర్లో ఉన్నాం. వాస్తవ జీవితానికి ఆటగాళ్లు దూరమయ్యారనే చెప్పాలి. ఇది నిజంగా మానసికంగా పెద్ద సవాలు. ఆటగాళ్లంతా దీనిని అనుభవించారు. కానీ, మా జట్టు కుర్రాళ్లు వాటన్నింటినీ తట్టుకొని అద్భుతంగా ఆటతీరు ప్రదర్శించారు." అంటూ పేర్కొన్నాడు హోల్డర్.
