టీమ్ఇండియా మాజీ కెప్టెన్ ధోనీ కొంతకాలంగా క్రికెట్కు దూరంగా ఉంటున్నాడు. చాలా మంది ఇక మహీ కెరీర్ ముగిసినట్లేనని భావిస్తున్నారు. కొంతమంది మాత్రం ధోనీ జట్టులోకి వస్తాడని అంటున్నారు. తాజాగా ఈ విషయమై భారత జట్టు మాజీ బౌలింగ్ కోచ్ వెంకటేశ్ ప్రసాద్ స్పందించాడు. ధోనీ ఒకవేళ జట్టులోకి వచ్చినా అతడిని ఫినిషర్గా కాకుండా.. బ్యాటింగ్ ఆర్డర్లో ముందుగా పంపాలన్నాడు.
"ధోనీ జట్టులోకి రావడం చాలా కష్టమైన విషయం. దాదాపు ఏడాదిగా క్రికెట్కు దూరంగా ఉండి మళ్లీ మైదానంలో అడుగుపెట్టడమనేది చాలా కఠినమైనది. అతడు ఫిట్గా ఉన్నాడనడంలో సందేహం లేదు. కానీ 40ఏళ్లకు దగ్గరపడుతున్నపుడు ఆటపై దృష్టిసారించడం కష్టం. ఒకవేళ అతడు ఫిట్నెస్ నిరూపించుకుంటే మేనేజ్మెంట్ పునరాగమనంపై ఆలోచించాలి. ఒకవళ ధోనీని మళ్లీ జట్టులోకి తీసుకుంటే అతడిని ఫినిషర్గా కాకుండా టాపార్డర్లో ఆడించాలి. మూడు, నాలుగు స్థానాల్లో బ్యాటింగ్కు దించాలి."
-వెంకటేశ్ ప్రసాద్, టీమిండియా మాజీ క్రికెటర్
కరోనా లాక్డౌన్ కారణంగా ప్రస్తుతం ధోనీ కుటుంబంతో గడుపుతున్నాడు. అతడికి సంబంధించిన వీడియోలను ఎప్పటికప్పుడు సాక్షిసింగ్ సోషల్ మీడియాలో అభిమానులతో పంచుకుంటుంది. ఈ వైరస్ ప్రభావం తగ్గాక ఐపీఎల్ నిర్వహణ సాధ్యమైతే ధోనీని మళ్లీ మైదానంలో చూడవచ్చు.
