ఐపీఎల్ వేలం మరికొద్ది గంటల్లో ప్రారంభంకానుంది. ఇప్పటికే ఫ్రాంచైజీలు తమకు కావాల్సిన ఆటగాళ్ల లిస్టును సిద్ధం చేసుకున్నాయి. తమ జట్టు కూర్పును మెరుగుపర్చుకునేలా ప్రణాళికలు రచించాయి. మొత్తం 292 మంది ఈ వేలంలో పాల్గొననున్నారు. ఇందులో 164 మంది భారత ఆటగాళ్లు కాగా, 125 మంది విదేశీ క్రికెటర్లు ఉన్నారు. అత్యధిక ధర 2 కోట్ల జాబితాలో 10 మంది ఉండగా మార్క్ వుడ్ టోర్నీ నుంచి తప్పుకుంటున్నట్లు తెలిపాడు. ఈ నేపథ్యంలో ఏ జాబితాలో ఎంతమంది ఉన్నారో చూద్దాం.
2 కోట్లు
హర్భజన్ సింగ్, కేదార్ జాదవ్, మ్యాక్స్వెల్, స్టీవ్ స్మిత్, షకిబుల్ హసన్, మొయిన్ అలీ, సామ్ బిల్లింగ్స్, లియామ్ ప్లంకెట్, జాసన్ రాయ్.
1.5 కోట్లు
అలెక్స్ హేల్స్, డేవిడ్ మలన్, అలెక్స్ కారే, నాథన్ కౌల్టర్ నీల్, జే రిచర్డ్సన్, ముజిబుర్ రెహ్మన్, అదిల్ రషీద్, షాన్ మార్ష్, టామ్ కరన్, డేవిడ్ విల్లే, లూయిస్ జార్జీ, మోర్నే మోర్కెల్.
1 కోటి
ఆరోన్ ఫించ్, ఎవిన్ లూయిస్, హనుమ విహారి, షెల్డన్ కాట్రెల్, ముస్తఫిజుర్ రెహ్మన్, ఉమేశ్ యాదవ్, మోసెస్ హెన్రిక్స్, మార్నిస్ లబుషేన్, జాసన్ బెహ్రండాఫ్, బిల్లీ స్టాన్లేక్, మాథ్యూ వేడ్.
75 లక్షలు
క్రిస్ మోరిస్, కోరే ఆండర్సన్, డారెన్ బ్రావో, బెన్ కటింగ్, కైలీ జేమిసన్, ఫాబియాన్ అలెన్, డాన్ క్రిస్టియన్, లివింగ్స్టోన్, టిమ్ సౌథీ, కీమో పాల్, ఫిడెల్ ఎడ్వర్ట్స్, మహ్మద్ మహ్మదుల్లా, షెర్ఫేన్ రూథర్ఫర్డ్, హిల్టన్ కాట్ రైట్, జేమ్స్ ఫాల్క్నర్.
ప్రత్యక్ష ప్రసారం ఎప్పుడు?
నేడు (గురువారం) చెన్నై వేదికగా మధ్యాహ్నం 3 గంటలకు ఐపీఎల్ 14వ సీజన్ ప్రత్యక్ష ప్రసారం కానుంది. స్టార్ స్పోర్ట్స్ 1, స్టార్ స్పోర్ట్స్ 1 హెచ్డీ, స్టార్ స్పోర్ట్స్ 3, స్టార్ స్పోర్ట్స్ హెచ్డీ 3 ఛానల్లో ప్రత్యక్షంగా వీక్షించొచ్చు. అలాగే హాట్స్టార్ డిజిటల్ ప్లాట్ఫామ్లో చూడొచ్చు.
