చెన్నై వేదికగా జరుగుతోన్న ఐపీఎల్ వేలంలో న్యూజిలాండ్ బౌలర్ కైల్ జేమిసన్ భారీ ధరకు అమ్ముడయ్యాడు. రూ.75 లక్షల కనీస విలువ జాబితాలో ఉన్న ఈ క్రికెటర్ను బెంగుళూరు జట్టు రూ.15 కోట్లకు కొనుగోలు చేసింది.
ఇంగ్లాండ్ బౌలింగ్ ఆల్రౌండర్ టామ్ కరన్ను దిల్లీ జట్టు కొనుగోలు చేసింది. రూ.5.25 కోట్లకు అతన్ని సొంతం చేసుకుంది.
ఆసీస్ బ్యాటింగ్ ఆల్రౌండర్ హెన్రిక్స్ను పంజాబ్ జట్టు కొనుగోలు చేసింది. కోటి రూపాయల బేస్ ప్రైస్లో ఉన్న ఈ క్రికెటర్ను రూ.4.20 కోట్లకు సొంతం చేసుకుంది.
భారత టెస్టు స్పెషలిస్టు బ్యాట్స్మెన్ ఛెతేశ్వర్ పుజారాను చెన్నై జట్టు కొనుగోలు చేసింది. రూ.50 లక్షల బేస్ ప్రైస్కు అతడిని దక్కించుకుంది.
