చెన్నై వేదికగా జరుగుతోన్న ఐపీఎల్ వేలంలో యువ ఆల్రౌండర్ క్రిష్ణప్ప గౌతమ్ భారీ ధరకు అమ్ముడయ్యాడు. రూ.20 లక్షల బేస్ ప్రైస్తో వేలంలో పాల్గొన్న ఈ ఆల్రౌండర్ను దక్కించుకోవడం కోసం ఫ్రాంచైజీలు పోటీ పడ్డాయి. చివరికి రూ.9.25 కోట్ల రికార్డు ధరకు చెన్నై జట్టు ఇతడిని సొంతం చేసుకుంది. లీగ్ చరిత్రలో ఓ అన్క్యాప్డ్ ప్లేయర్కు ఇంత ధర దక్కడం ఇదే మొదటిసారి. ఇంతకుముందు కృనాల్ పాండ్యా 8.8 కోట్లే అత్యధికం.
మరో యువ క్రికెటర్ షారుక్ ఖాన్ను పంజాబ్ జట్టు సొంతం చేసుకుంది. రూ.20 లక్షల బేస్ ప్రైస్తో ఉన్న ఈ వికెట్ కీపర్ను దక్కించుకోవడం కోసం ఫ్రాంచైజీలు పోటీ పడ్డాయి. చివరికి రూ.5.25 కోట్లకు పంజాబ్ ఇతడిని దక్కించుకుంది.
భారత సీనియర్ స్పిన్నర్ పీయూష్ చావ్లాను రూ.2.4 కోట్లకు ముంబయి జట్టు కొనుగోలు చేసింది.
యువ ఆటగాళ్లు సచిన్ బేబి, రజత్ పాటిదార్లను కనీస ధర రూ.20 లక్షలకు అమ్ముడయ్యారు. ఈ ఇద్దరినీ బెంగుళూరు సొంతం చేసుకుంది.
యువ ఆటగాళ్లు రిపల్ పటేల్, విష్ణు వినోద్ను దిల్లీ క్యాపిటల్స్ బేస్ ప్రైస్ రూ.20 లక్షలకు కొనుగోలు చేసింది.
