ఐపీఎల్.. బ్యాట్స్మెన్, బౌలర్లకు ఓ సవాలు లాంటిది. భిన్న వాతావరణం, విభిన్న దేశాల ఆటగాళ్లతో హోరాహోరీగా తలపడుతూ వారి సత్తాను నిరూపించుకుంటుంటారు క్రికెటర్లు. ఐపీఎల్ ప్రస్తుత సీజన్ సెప్టెంబరు 19 నుంచి మొదలుకానుంది. ఈ సందర్భంగా లీగ్లో నమోదైన ఐదు భారీ రికార్డులపై ఓ లుక్కేద్దాం. అయితే వీటిని భవిష్యత్తులో మరే ఆటగాడు అధిగమిస్తాడా అనేది సందేహంగా మారింది. ఆ రికార్డుల సమాహారమే ఈ కథనం.
అసాధ్యాన్ని సుసాధ్యం చేశాడు
కెరీర్లో ఎన్నో ఘనతలు సాధించి తన ఖాతాలో వేసుకున్నాడు వెస్టిండీస్ విధ్వంసకర బ్యాట్స్మన్ క్రిస్ గేల్. 2013 సీజన్లో ఇతడు నెలకొల్పిన రికార్డును మాత్రం ఇప్పటివరకు ఎవరు అధిగమించలేకపోయారు.
ఆ సీజన్లో ఆర్సీబీ తరఫున పుణె వారియర్స్పై కేవలం 66 బంతుల్లో 175 పరుగులు చేసి ఔరా అనిపించాడు. ఇందులో 13 బౌండరీలు, 17 సిక్స్లు ఉన్నాయి. టోర్నీలో ఇదే అత్యధిక స్కోరు.
కోహ్లీ ఎంతో ప్రత్యేకం
2016 సీజన్ బెంగళూరు సారథి కోహ్లీకి ఎంతో ప్రత్యేకం. ఎందుకంటే ఆ ఏడాది విరాట్ అరుదైన మైలురాయిని అందుకున్నాడు. 16 ఇన్నింగ్స్లోనే 81.08 స్ట్రైక్రేట్తో 973 పరుగులు చేశాడు. ఆ సీజన్లో ఆరెంజ్ క్యాప్ను కూడా సొంతం చేసుకున్నాడు. ఒక సీజన్లో ఇప్పటివరకు ఇదే అత్యధిక వ్యక్తిగత స్కోరు. దీనిని ఇప్పట్లో ఎవరూ అందుకోలేకపోవచ్చు.
ఆశిశ్ నెహ్రా.. ఔరా!
ఆశిష్ నెహ్రా.. ఆధునిక క్రికెట్లో సరికొత్త రికార్డును సృష్టించాడు. 2009 ఐపీఎల్లో దిల్లీ డేర్డెవిల్స్కు ఆడూతూ ఓ మ్యాచులో 4 ఓవర్ల వేసి 1.5 ఎకానమీతో కేవలం 6 పరుగులే ఇచ్చి ఓ వికెట్ తీశాడు.
ఆరు బంతుల్లో 37 పరుగులు
బ్యాట్స్మన్ ఓవర్లోని ఆరు బంతుల్లో 37 పరుగులు చేయడం అసాధ్యం. కానీ సుసాధ్యం చేసి చూపించాడు గేల్. 2011లో కొచీ టస్కర్స్తో మ్యాచ్లో దీనిని చేసి చూపించాడు. ఓవర్లో భాగంగా నాలుగు సిక్సులు, మూడు ఫోర్లు కొట్టి 37 పరుగులతో అభిమానులను ఆశ్చర్యానికి గురి చేశాడు. ఇందులో ఓ నోబాల్కు సిక్స్ కూడొ కొట్టాడు.
డబుల్ హ్యాట్రిక్
టీమ్ఇండియా స్టార్ బ్యాట్స్మన్ యువరాజ్ సింగ్.. 2009 సీజన్లో డబుల్ హ్యాట్రిక్లు తీశాడు. ఆర్సీబీతో మ్యాచులో వరుస బంతుల్లో జాక్వెస్ కల్లీస్, రాబిన్ ఉతప్ప, మార్క్ బౌచర్ను ఔట్ చేశాడు. అనంతరం డెక్కన్ ఛార్జర్స్తో మ్యాచులోనూ గిబ్స్, ఆండ్రూ సైమండ్స్, వేణుగోపాల్ రావ్ను వరుసగా ఔట్ చేసి.. రెండు మ్యాచ్ల్లో రెండు హ్యాట్రిక్లు తీసిన ఘనత సాధించాడు.
