ఐపీఎల్లో చెన్నై సూపర్కింగ్స్ జట్టుకు ఊరట లభించింది. ఇటీవలే వైరస్ సోకిన జట్టులోని సిబ్బందికి క్వారంటైన్ తర్వాత మరోసారి నిర్వహించిన పరీక్షల్లో నెగటివ్గా తేలింది. దీంతో శుక్రవారం నుంచి ఆటగాళ్లు ప్రాక్టీసు మొదలుపెట్టనున్నారు.
"చెన్నై సూపర్కింగ్స్ జట్టులో గురువారం జరిగిన కొవిడ్ పరీక్షల్లో ఆటగాళ్లకు నెగటివ్గా తేలింది. దీంతో శుక్రవారం నుంచి వారు ప్రాక్టీసు మొదలుపెడుతున్నారు. ఇటీవలే కరోనా సోకిన ఇద్దరు క్రికెటర్లు, 13 మంది సిబ్బందికి 14 రోజుల ఐసోలేషన్ తర్వాత పరీక్షలు నిర్వహిస్తారు. అందులో వారికి నెగటివ్గా నిర్ధరణ అయితే వారూ ప్రాక్టీసు సెషన్లో పాల్గొనవచ్చు" అని సీఎస్కే అధికారి ఒకరు తెలిపారు.
చివరి ఫ్రాంఛైజీ ఇదే
చెన్నై సూపర్కింగ్స్ క్రికెటర్లకు వరుసగా మూడోసారి చేసిన కొవిడ్ టెస్ట్ల్లో నెగటివ్ వచ్చిన వారిని ప్రాక్టీసుకు అనుమతించారు. ఐపీఎల్ ప్రస్తుత సీజన్లో ప్రాక్టీసు మొదలుపెట్టనున్న చివరి ఫ్రాంఛైజీ ఇదే. మరోవైపు లీగ్ కోసం దుబాయ్ వెళ్లిన బీసీసీఐ వైద్యబృందంలో ఓ వ్యక్తికి వైరస్ సోకింది. ఈ విషయాన్ని బోర్డు ధ్రువీకరించింది.
యూఏఈ వేదికగా సెప్టెంబరు 19 నుంచి నవంబరు 10 వరకు ఐపీఎల్ జరగనుంది. శుక్రవారం టోర్నీకి సంబంధించిన షెడ్యూల్ విడుదల కానుంది.
