టీమ్ఇండియా స్పిన్నర్ రవిచంద్రన్ అశ్విన్ను ప్రశంసలతో ముంచెత్తాడు భారత మాజీ క్రికెటర్ వీవీఎస్ లక్ష్మణ్. అతడొక తెలివైన వ్యక్తి.. తనను తాను నిత్యం మెరుగుపరుచుకుంటాడని లక్ష్మణ్ అభినందించాడు.
ఒక వ్యక్తి ఉన్నత స్థితికి చేరడానికి నైపుణ్యం ఒక్కటే చాలదు. అందుకు సన్నద్ధత అవసరం.. ప్రణాళికను కచ్చితంగా అమలు చేయాలి. ఇది చాలా కష్టమైన విషయం. అశ్విన్ చాలా తెలివైన వ్యక్తి. అతడు బ్యాట్స్మెన్ల బలహీనతలను గమనిస్తాడు. వారిని ఎలా ఔట్ చేయాలనే విషయంపై ప్రణాళికలను రచించుకొని పక్కగా అమలు చేస్తాడు.
-వీవీఎస్ లక్ష్మణ్, టీమ్ఇండియా మాజీ క్రికెటర్.
'ఇటీవల జరిగిన ఆస్ట్రేలియా సిరీస్లో స్టీవ్ స్మిత్తో పాటు ఇతర బ్యాట్స్మెన్లను అశ్విన్ ఎలా ఇబ్బంది పెట్టాడో మనం చూశాం. అతడు ఎల్లప్పుడూ అత్యుత్తమంగా బౌలింగ్ చేయాలని భావిస్తాడు' అని లక్ష్మణ్ పేర్కొన్నాడు.
ఇదీ చదవండి: 'మ్యాన్ ఆఫ్ ది మ్యాచ్'కు పెట్రోల్ బహుమతి
