న్యూజిలాండ్తో జరగనున్న తొలిటెస్టుకు పాకిస్థాన్ కెప్టెన్ బాబర్ అజామ్, ఓపెనర్ ఇమామ్-ఉల్-హక్ అందుబాటులో ఉండట్లేదు. గాయాల కారణంగా తొలిటెస్టులో వీరిద్దరూ ఆడరని పాకిస్థాన్ క్రికెట్ బోర్డు సోమవారం ప్రకటించింది. కివీస్, పాక్ మధ్య డిసెంబరు 26 నుంచి బాక్సింగ్డే టెస్టు ప్రారంభం కానుంది.
గతవారం క్వీన్స్టౌన్లో ప్రాక్టీసులో పాల్గొన్న బాబర్ అజామ్కు కుడి బొటనవేలికి గాయం కాగా.. ఇమామ్కు ఎడమ చేతి బొటనవేలికి గాయమైందని పాక్ బోర్డు ప్రకటించింది. ప్రస్తుతం బాబర్, ఇమామ్ వైద్యుల పర్యవేక్షణలో ఉన్నారు. తిరిగి ఎప్పుడు నెట్స్లో అడుగుపెడతారనే దానిపై మాత్రం బోర్డు స్పష్టతనివ్వలేదు.
తొలిటెస్టుకు బాబర్ అందుబాటులో లేని కారణంగా అతడి స్థానంలో మహ్మద్ రిజ్వాన్కు జట్టు పగ్గాలను అప్పగించారు. దీంతో రిజ్వాన్ పాకిస్థాన్ టెస్టు జట్టుకు 33వ కెప్టెన్గా ఎంపికయ్యాడు. మరోవైపు ఆ జట్టు ఫస్ట్క్లాస్ ఆటగాడు ఇమ్రాన్ భట్కు తొలిటెస్టు ఆడే అవకాశం వచ్చింది. క్వాయిడ్-ఇ-అజామ్ ట్రోఫీలో మూడు ఫస్ట్క్లాస్ మ్యాచ్లు అడిన ఇమ్రాన్ భట్ 191 పరుగులు చేశాడు. ఆ తర్వాత న్యూజిలాండ్ పర్యటనలో ఎక్స్ట్రా ప్లేయర్గా ఎంపికయ్యాడు.
పాకిస్థాన్ టెస్టు స్క్వాడ్: మహ్మద్ రిజ్వాన్ (తొలి టెస్టుకు కెప్టెన్), అబిద్ అలీ, అజార్ అలీ, ఫహీమ్ అష్రఫ్, ఫవాద్ ఆలం, హరిస్ సోహైల్, ఇమ్రాన్ భట్, మహ్మద్ అబ్బాస్, నసీమ్ షా, సర్ఫరాజ్ అహ్మద్, షాదాబ్ ఖాన్, షాహీన్ అఫ్రిది, షాన్ మసూద్, సోహైల్ ఖాన్, యాసిర్ షా. (తొలిటెస్టుకు బాబర్ అజామ్, ఇమామ్-ఉల్-హక్ అందుబాటులో ఉండరు)
ఇదీ చూడండి: 'సిరీస్ పూర్తయ్యాకే పృథ్వీకి సూచనలిస్తా'
